25/03/2020

Msik kıthowo catiqo di tawra b’Turkiya

Bu athro dı Turkiya me zabno lı zabno kmımsık kıthowe dkıtlın time yaqure, wa kıthowani bu zyudathe kıthowe dkıtne kıthiwe bu leşono suryoyone.

 Lfuth u tebo haroyo dathi me Turkiya naqqa hreto a haylawotho di mşaynutho d’Turkiya msıklın 3 farsufe dıbciwo mzabniwo diyaqtiqi catıqto tawra b’mılyun u mathe u hamşi dollare.

Bi mditho du Muş d’Turkiya bu zabno da haylawotho di mşaynutho dkurxiwo, 3 farsufe grışlın u zuhorathe, mawxa msıkilın. Bıthır mu msokano mahwele da farsufani kıtwo kıthowo di Tawra dkıtyo bu leşono Suryoyo ıbciwo dımzabnile.

Bıthır mıd msıklın ukıthowo mahwele du timo du kthowano mılyun u mathe u hamşi alfo dolareyo.

Bıthır mu msokano ahaylawotho di mşaynutho ba cuqobe dsımlın ba bote da farsufani  mqafelın makina du kroxo dcala catiqotho, 25 esaqyotho u ha kub dkıtwe malyo cafro.

Hathe latyo inaqa qamayto dıkmımsık hawxa farsufe dkımnasın mzabni kıthowe catiqe dkıtlın timo yaqure, hathe kmahviyo du athrano kibe a timoyotho maktabzabnoye du cameydan u Othuroyo-Kaldoyo-Suryoyo-Oromoyo.

Check Also

Menyono celoyo mu camaydan bi şatathe sımle socurutho lu qlimo d’Turabdin

Menyono celoyo mu camaydan u Suryoyo bi şatathe sımle socurutho la mdinotho u qıryawothayd…