03/04/2021

MUB frısle buyono bi cohnutho du cedo di Qyamto d’Yeşuc Mşiho

U Mawtbo Umthoyo d’Bethnahrin, frısle buyono bi cohnutho du cedo di Qyamto d’Moran Yeşuc Mşiho. Bu buyonano mawdıc, du nuhomo dı Mşiho xıd hule bahro li noşutho kula,  hawi mabuco dhaye b’neshono leşan u camaydan udu ağunaydan.

İ Sictho di Rişonutho d’MUB kımmo; Xıd Mawtbo kımcaydina u cedo du camaydan dkıtyo masro bu mashab Qatholiqoyo, dıkcoyış tahte şartat casqe bu Iraq, Lebnon, Suriya, İran, Turkiya ub’Urifi. Kımcaydina’ste u cedo du rişono di britho Qatholiqoyto Papa Mor Fransis Qadmoyo.

‘Bi rişitho kımcaydina u cedo di Qyamto du camaydan dkıtyo masro bu mathab Qatholiqoyo uda Mşihoye kulle, frısle u Mawtbo Umthoyo d’Bethnahrin buyono bi cohnutho du cedo rabo. Bu buyonano di Sictho di rişonutho d’MUB kmitamır; İ noşutho hani 2000 eşne kşıfco b’gunhe kyonoye, folitiqoye, kenşoye, marduthoye u momunoye bu sabro d’xliq camu nuhomo d’Mşiho. Cal di ruho du quyomo d’Yeşuc Mşiho hawyo cohnutho la cede, li methcadronutho, lu delqublo ulu mtoyo l’dactith basimo.

U buyono d’MUB dmahkele calu camo b’Bethnahrin dnafıq moro li haymonuthayde ba maşıqle catume kulle, adyawmaste u pandami di Corona, u camaydan lo trele mu ağunayde mqabıl da hçome da hakome leşan dlo mvayıc i hiyoyuthayde. U nuhomo d’Mşiho xıd hule bahro li noşutho kula, hawi mabuco dhaye b’neshono leşan du camaydan. İ socurutho du Papa Mor Fransis Qadmoyo lu Cıraq, hula moral lu camaydan dkıtyo masro bu mashab Qatholikoyo ula Mşihoye du Madınho Mıscoyo kule. İ socuruthathe dsimo bıthır ma gunhe d’Dacış, grışla u zuhoro dbritho calu camaydan u calu athraydan. Me gabo hreno griş u zuhoro cali ulsoyutho du mafhum da tawdyotho wa mathabe dmaqbıli hıdode.

U cedo di Qyamto d’Mşiho dkıtyo adşato 4 b’Nison, kmahıt wolyotho umthoyo cala falqe du camaydan kulle, cal du şart asasi du fyoşo bu athro, bi hdoyutho ubu ağuno mşawtıfo kibe dowe. Mi cılthathe leşan dımathlina u camaydan ba falqe d’Bethnahrin kulle, u leşan dımhamenale ma hçome lo noşoye klozım dmahwena nuhomo u delqublo makthabzabnoyo.

Xıd Mawtbo Umthoyo d’Bethnahrin kımcaydina u cedo du camaydan dkıtyo masro bu mashab Qatholiqoyo, dıkcoyış taht şartat casqe u Madınho Mıscoyo ubı Urifi. Kımcaydina u cedo du rişono di britho Qatholikoyto Papa Mor Fransis Qadmoyo. Ksaymina qroyto lkul noşo dnofıq moro la timoyotho tawdithoye, marduthoye makthabzabnoye, u dmitacişi. Camgabıd dıkımcaydina u cedo da Qatholiqoye dı britho kula, ksaymina qroyto li noşutho dıkmhaymın ba prensibe d’Mşiho bi cohnutho du cedano dmahwın snodo lu camaydan.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…