20/05/2021

MUB frısle buyono bu yawmo şatonoyo du qtolğenso dsim cala Pontusoye Yawnoye

U Mawtbo Umthoyo d’Bethnahrin frısle buyono bu yawmo şatonoyo du qtolğenzo dsim cala Pontus Yawnoye mi mamlaxto Cuthmnaoyto bi şato dan 1919.

 MUB bu buyoneyde komır; Kıkurhina u qtolğensano dsim cala Pontus Yawnoye dkıtwe u nişayde u qşoco da Mşihoye.

 U buyono d’MUB kımşare ba melani kmathıkrina u ywmo şatonoyo da 102 ışne du qtolğınzo da Pontu yawnoye. I mamlağto cutmanoyto bi harayto du zabno du shofeyda macışla haşe rabe la mşihoye dkıtwene bgawe da tumeyde, dilonoyith bi tarmitho dmahatwela nişo du qşoco da mşihoye mabdewola qtolğınzo cala mşihoye bi şato da 1914 xdu qtolğnzo dsımla mqabıl da Armnoye u da Suryoye sımwola mqabıl da pontus yawnoye.

MUB bu buyoneyde komır u camo Pontusoyo  ste xda Suryoye kulnaqao hawi qatlo aclaye elo u qtolğınso rabo sımla i mamlaxto cuthmanoyto aclaye bıthır mu qrobo tibeloyo qamoyo dhawiwo. 19 bu yarho 5 di şato da 1919 mabdelın u qtolğınso me Sambıl hul Samsun bu fusqono du padişah bu fusqono  d’Mustafa Kemal Ataturk. U hawxa bşıkıl barbroyo qtiwolın u camo Pontusoyo.

U mawtbo umthoyo d’Bethnahrin bu buyoneyde komır lfuth a buhone dsimi sıttır me 353 alfo pontusoye qtili, wa hrene dı cayişi cbiri dımşahılfi i tawdithathe yaste cbiri dımgalwın ma dukothathe.

Ğalabe ma hiyoywotho dıkhoyın b‘Turkiya cayişi a mrorani wa qtolğınzani, u bıthır mi mşatsonutho di şıltonutho d’Turkiya dımdawamla bi siyase hdonoyto, mankarla a mardwothoe wa timoyotho da came mşihoye kule, elo ışmo ste dhowe britho mşarele dı hızyo i isyasathe dkıtla nişo du qşoco da came mşihoye, mawxa ahna a came d’Bethnahrin u du Anadol dhozın u şrolano dkito, bcayni dumyo turkiya ste klozım hızyo u medano u mawdyo ebe.

MUB bu huthomo du buyono komır ahna xıd mawtbo khozina u qtolğınzo dsımla i mamlaxto da cuthmanoye cala Pontusoye dewam di tahrazto du qşoco da mşihoye mawxa kurhinale. Be bzabno kmathıkrina a pontusoye dı qtili bu qtolğınzano dhawi meqım b’102 ışne. Be bzabno kıbcina dmawdcina dıgfılğina u haşo du camo pontusoyo u bawyuthano acmaye.

U mawtbo komır ktılbina mu Yawnan u me qufrus da yawnoye xıd mawdelın bu qtolğınzo da Armnoye u da mşihoye dmawdın bu Sayfo da Suryoye ste.

Toxu kulan cam hdode nıfqina moro la sohdeydan u la haşe dkıtlan.