MUB frısle buyono calu beth dino d’qoyumo Tuma Çelik

U Mawtbo Umthoyo d’Bethnahrin-MUB, frısle buyono lu renyo gawonoyo dbritho cali hile ucalu faho dmahıt qum du qoyumo şaroyo du camaydan b’Turkiya Tuma Çelik.

Bu buyonano MUB kımahke cali mraşhonutho d’Çelik lu gabo d’HDP wa fulhone dmaşele leşan dnoqıl a şwole du camaydan lu yawmoyo d’Turkiya u bıthır aydarbo mnase dmitadre Çelik. MUB mırle’ste; Xıd camo ulsoyoyo kull naqla dsaymina harake b’mahisutho, mqabıl da fahe wa teştıcınye cjiqe dıkmisomi mqabıl du camaydan

Adyawma bıthır mıd magle du qoyumo şaryo du camaydan b’Turkiya Tuma Çelik mbare ma thome dımqadmiwo mqabıl dide, frısle MUB buyono u mırle; Bu ağuno dıkobina, bkull maşıqlo laqina ba hçome da hayle du statuko. A hçomani da hayle hakome masrene bi sbutho du ağunaydan bu taro da şuşote du Madınho Mescoyo dıkmowfıq li holo a hawbe lo noşoye dsimi mqabıl du camaydan. İ hile dsimo mqabıl du hawraydan Tuma Çelik, belhude ha ma gedşe dhawın’yo.

MUB mahkele aydarbo mıştawtafle Tuma Çelik la guboye d’24 Hziron 2018 mi lohitho di HDP u dmnaqe qoyumo mi mdito d’Mırde u bıthır aydarbo xıd mathlono du camo Suryoyo, mamtele lu yawmoyo a şwole makthabzabnoye, folitiqoye du camaydan mu zabno dımşatso i qutnutho d’Turkiya u mu zabno da Othmanoye. U medano bu şuroyo grışle u zuhoro di şultonutho d’Turkiya u d’hın grube mşahılfe u dlatwın thnihoye mşarelın dsaymi hşowe aydarbo kibın dmaşlın u qolo da Suryoye. MUB bşıkıl rwiho cali sbutho da thome d’athto mqabıl d’Çelik u dımdacela dsim hçomo ğensoyo acla.

İ Sictho di Rişonutho d’MUB kımmo; A mşale Turkoye hzelın fırsa u nqilın i sbutho lu tbocofroso ubu şıkılano sim faho b’kampanya bnişo dmatimo i HDP wu ağunaydan. Hiw amro la mqimaydino u ftih dacwa bhaq du hawraydan leşan dmıhkım. Mu şuroyo mbayanwo, u medano dkıtyo tahdit şantaj leşan dmıhjım cala haye mıştawtıfe da came, u calu xtuto demoqratoyo d’HDP. Calathe mid fusqono holi harayto dmitahwe ağuno leşan dmınfıq moro lu zedqo ulu huquq dkıtlan, mahwe u sebyono b’duktho dlayto dino şaryo.

MUB mırle Nafıq li holo xıd bınyono d’MUB u xıd camo ulsoyoyo dsaymina harake b’mahisutho mqabıl da fahe wa teştıcınye cjiqe dıkmisomi mqabıl du camaydan. Mqabıl du dayroyo Aho Sefer Bilecen’ste, sim faho mşahılfo, u dıkmijarıb dmiçaze b’hbuşyo d’25 yarhe. Elo mqabıl Tuma Çelik sim hçome cjiqe bu ray Emwothoyo, wu şutoso du disiplin d’HDP dcabır b’keşlo u mıdle fusqono dmitawfıq mu gabo. Elo u bethdino tminoyo du msombrişo d’Ankara adyawma-14 Nison hule fusqono dımbarele. U hawxa mawfıqi lu xalyo a thome kulle wa teştıcınye cjiqe  dsimi mqabıl du camaydan. Bıthır mucdo u qoyumo şaryo d’Mırde Tuma Çelik gıdımdawım dhowe u qolo du camaydan, u lo fayış mnoco qum da fulhonayde. Xıd MUB ksaymina qroyto lu camaydan dsundi bkull duktho a mathlonathe, u leşan dmıkle qam da hçome- mayko dhowın tır dhowın, dmitaksi bi rişonutho du ağunaydan.