MUB mqadamle a buyoayde lu şunoyo d’Albera Seven

U Mawtbo Umthoyo d’Bethnahrin-MUB, mqadamle a buyoayde lu hadomayde di Sictho Mdabronitho Marawge Hanna bi cohnutho du şunoyo di emo Albera Seven.

 İ Sictho di Rişonutho d’MUB mırla; kfılğina u haşo du husoyo di emo myaqartathe bu şuroyo camu hawraydan u Marawge u cama farsufe hrene di iqartho.

U buyono du Mawtbo Umthoyo d’Bethnahrin-MUB ba melani kımşare; Albera Seven, i emo du hawraydan Marawge Hanna dkıtyo hadomo di sictho Mdabronitho d’MUB, bu siqumo d’17.08.2020 nqilo ma hayani a zabnoye. Albera Seven dkıtwa tacıbto u athto myaqarto mcamasla caynotha lıbritho bu athro d’Hollanda.

İ Sictho di Rişonutho d’MUB mırla; Mhohto Albera camgabe dkıtwa emo, dmiyaqrowa bu kenşo, hawila tacbo rabo bgawe du ağunaydan u umthonoyoste. Mıdla lbibutho rabtho bi teşmışto dhuwla lıba mowat ma hawronaydan. Kull naqla ftıhla u baytayda lu camo, ubu şıkılano uba qedomayda mıthabatla dkıtwa mothonoyto şarırto.

Bu huthomo du buyonano dıfris adyawma MUB mırle; kfılğina u haşo du husoyo di emo myaqartathe bu şuroyo camu hawraydan u Marawge u cama farsufe hrene di iqartho. Ktulbina me aloho duktha dhuyo i malkutho şmayonitho, u ktulbina rişo basimo la ruhmayda kulle.