27/01/2021

MUB mqadamle egartho d’buyoye lı Bassam İshaq

Dr Abdelaziz Said Ishaq dkıtyo ahuno du rişono du Mawtbo Suryoyo d’Suriya Basam Ishaq nqil ma hayani a zabnoye.

 Bi cohnuthathe u mawtbo Umthoyo d’Bethnahrin MUB mqadamle egartho d’buyoe lu hawrathe du Ağuno Bassam Ishaq u li eqartho kula.

Bi egartho da buyoe d’MUB kmitawmır; u ahuno du Hawraydan Bassam Ishaq u hadomo di sictho mdabronitho d’MUB wu rişono du mawtbo Suryoyo d’Suriya, Dr. Abdelaziz Said Ishaq bu siqumo d’23.01.2021 bi mditho d’Washington bu athro d’Amerika nqil ma hayani a zabnoye.

Mnoho Abdelaziz Said Ishak dkıtwe malfono bi bethsawbo d’Amerika bu haqlo da esore emwothoye, kul naqla hawi u mdafcono di şrolutho u di idactho. U ışne yarixe sımle malfonutho leşan dmanhır u kenşo.

Abdelaziz Said Ishak dkothe me eqartho dhula tacbo leşan du şuşoto d’Suriya, huweste ba hayayde mqadamle teşmışotho ğalabe.

Bi ohnuthathe i sictho di Rişonutho du Mawtbo Umthoyo d’Bethnahrin kımqadmo a buyoeyda l’Bassam Isahq u la farsufe di eqartho kula.

Mnoho Abdelaziz Said Ishaq mawladwo bi şato dan 1930 bi mditho d’Camuda bu athro d’Suriya, u abdro d’Said Ishaqyo dmıdwole mşalutho bdarğo celoyo bi şultonutho d’Suriya u dsımwole zabno karyo i rişqunutho du athro.

Check Also

ESU u ferco d’Teçino d’Swisra sımle u duxrono da Sohde d’MUB bu hudro Suryoyo dkıtyo b’kantone

Me gabo hreno u Huyodo Suroyo d’Urifi-ESU u ferco d’Teçino d’Swisra, sımle u duxrono da So…