MUB mşadarle egartho d’buyoe li eqartho d’Samir Özmen

U Mawtbo Umthoyo d’Bethnahrin-MUB mşadarle egartho d’buyoe lu hadomo di sictho Mdabronitho d’MUB Samir Özmen, calu şunoyo du babo u mnohnafşo Hanna Özmen.

 MUB bi egarthathe, mahkele cali mothonoyutho du mnohnafşo u bebzabno mqadamle a buyoayde li iqartho kula.

 I egartho di sictho di Rişonitho du Mawtbo Umthoyo d’Bethnahrin-MUB kımşaryo ba melani; U babo du hadomo di sictho Mdabronitho du d’MUB Semir Özmen myaqro Hanna Özmen bu siqumo d’05-08-2020 b’cımro d’96 eşne nqil ma hayani azabnoye bi mditho d’Gebenstorf d’Swisra.

Mnoho Hanna Özmen dkıtyo babo d’9 nacime, mawlıd bi mditho d’Hazakh u cayış tamo ışne yarixe, bıthır xıd ğalabe Suryoye fayış jbiroyo dımgalwe cami iqarthayde l’Urifi. B’Hazakh, ubı Urifiste cımre kule idic xıd farsufo hamimo, rahomo du şlomo u mothonoyowe.

MUB bi egartho kımqalıs i mothonyutho dkıtwole u mnohnafşo Hanna Özmen u komır: Mahwele snodo maddi u macnawi lu ağuno dhiw bi rişonutho du Mawtbo Umthoyo d’Bethnahrin, wi wolithayde di mothonoyutho cami iqarthayde qulnaqla mnasele dmamtela li duktho. U farsufo myaqrano du ağunaydan, mıştawtafle la hfitwotho qlimoye dsimi u maclele u qolo du camayde.

Qulnaqla mşajacle a nacimeyde wa farsufe dıkodace dmaydi duktho bu ağuno umthoyo. Mahwele klayto mqabıl du fşoro udu tcoyo di mardutho u hawi xıd babo u jıddo dmimıd mathlo. MUB kıhothım egartho ba melani: Bı iqoro kmathkırina u mothonoyo myaqro wu farsufo camoyano. Bu rişo ktulbina rişo basimo lu hawraydan Semir Özmen uli bethzawgo du mnoho Eli Özmen Pulgu ula hadome di iqartho kulle.