06/09/2020

Mustafa Bali mzaharle ahayle Turkoye cal cuqobe dkibe dhowe

U malolo da Haylawotho d’Suriya Demoqratoyto Mustafa Bali huwle maqırhonutho u mırle; QASAD, lıknotır d’Turkiya dmazido a cuqobayda calu garbay madınho d’Suriya, bıthır ma qyome dımdela Ankara cam Amerika u Rusya.

 Bu kboşano dsımla Turkiya calu garbay madınho d’Suriya hani qariwo lı şato, sımla hawbe frişe u qtıcla a maye wu kahrobo cala dukotho dkıtne bu dyoqo di mdabronutho yothoyto.

Bi maqırhonutho dhuwle athmıl u malolo da Haylawotho d’Suriya Demoqratoyto Mustafa Bali mawdacle, dlıknutri d’Turkiya dmazido u dmaqşıyo a cuqobayda calu garbay madınho d’Suriya bu zabnano, cala qyome dımdela cam Amerika u Rusya. QASAD’ste, lıkfoyış şalyo mqabıl da hjomani dıkmisomi calu garbay madınho d’Suriya.

Elo u cnufyo kımdawım bu qlimo, hani qariwo lı şato bıthır mıd u gayso kaboşo d’Turkiya wa marhıbonayde b’Suriya mabdewolın cuqobe calu garbyo d’Suriya bu yarho d’Teşrin u qamoyo dı şafıcina. Bu zabno du kboşanoste, sımwo hawbe frişe u qticiwo a maye u kahrobo cala dukotho dkıtne bu duyoqo di Mdabronutho yothoyto.

İmşatasto da zedqe noşoye d’Suriya dıkmcaqbo u qrobo gawoyo d’Suriya me Britania mawdacla, mu zabno du qyomo di şalyuthzayno cal İdlıb u hol ucdo, macbarla Turkiya 9.635 qamyune u radoyotho folhoye lıgawe da thume d’Suriya.

Athmıl casriyeste, macbır konvoy hreno d’20 qamyune du lojistik u radoyotho malye folhoye. U konvoyanoste cabır mu thumo d’Kafr Lusin lu garbyo d’İdlıb wu mınyono da folhe Turkoye ba thume d’Suriyaste mati l’6.300 folhe.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…