Nafil u timo da zuze du Iran lfuth u dolar
Mcal fothe da hbose uda tedbire Emwothoye dmahti hani zabno calu İran, nafıl u timo da zuze du athro-u Rial l’rekord nohuto. Me gabo hreno a Noture du Qawmo du İran, grışlın u zuhoro du Huyodo d’Urifi dgımitahwele funoyo qaşyo, en dothe mahıt a haylayde bi lohitho di marhıbonutho.
TAHRAN – U İran hani eşne, kmitahıt şişaltho d’tedbire momunoye acle me athrawotho frişe du macırbo wa tedbirani’ste ucdo maglelın calu tathir dhawilın calu athro. Athmıl nafıl u timo da zuze du İran-u Rial rekord nohuto lfuth u dollar wu ihtimal rabo, gıdmıtwır u Rial zıttır, en u Huyodo d’Urifi dmahıt tedbire hathe cal Tehran.
Ha dollar kmizabın b’447 alfo Rial bu Pazar dlatyo ruşmoyo. Meqım yawmo u timo du dollar 430.500 Rial’we, awkith a zuze du İran, mvayaclın 29 ba mo du timathe mu zabno dımşarelın a tagliyotho wa taxtuşe bu athro bu yarho d’İlül dşafıcina.
A esore beyn du Huyodo d’Urifi udu İran m’watın ğalabe ba yarhe haroyani cal dkalın a droşe dcali tahrazto nukleer du İran ubebzabno, calu qedomo qaşyo dmahwe mqabıl da mtagliyone udu şnoqo da hbişoye. Bu dumyano’ste u Huyodo d’Urifi ucdo kıdorış, dmahıt a Noture du Qawmo du İran bi lohithayde di marhıbonutho.
En a haylani dmiahti bi şabtho dothe bi lohitho di marhıbonutho du Huyodo d’Urifi’ste, gıdnofıl u timo da zuze du İran heş zıttır. U rişono da haylani’ste Hussein Salami mzaharle u Huyodo d’Urifi, dgısoyım fawdo ğalabe rabe en dmahıt a Noture du Qawmo du İran bi lohitho di marhıbonutho.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
