Nafıq yuqdone ba karme di qritho dıb Sorino

Adyoma ba şoce d’bıthır me falge d’yawmo mşarele nuro ba karme di qritho d’Bsorino d’Turcabdin dheş latyo idico me mın hawyo.

Bi mawdconutho dmıdlan mu mğabyo di qritho Şamcun Guzel mırle adyoma bıthır ma şoce d’bıthır me falge d’yawmo qadiho nuro ba karme dkıtlan bayn elan u lı Crowın.

Naqa hreto qadiho nuro ba karme di qritho du cameydan Bsorino me sababe dı latne idice. Lfuth i mawdconutho dmıdlan mu mgabyo di qritho mawdacle da comure da qıryawotho d’Midın dı Crowın d’Sohran u Daskane athın li mcawne dı tetfiyo di nuro.

Umgabyo mawdacle d’ğalabe ma karme u arcotho dkito bayn Bsorino u lı Crowın yaqidi bi nuro dhawyo.

A dukotho dhawi i nuro ebaye a karme da diyarat a karme di Dahle wa arcotho u mulkone bayn lı bsorino u lı Crowın.

Bi mawdconutho dhule u mgabyo mqadamle tawdiyotho la şutose dhawın sabab dmizwoni a makinat du tetfiyo di nuro dhawın sanode ğalabe didan di qritho d’Bsorino u d’Midin.

Ba şoce dcasriye mawdıc di nuro matıfyo elo heş i naqqa di hawa kmıhyo kqudho elo a comure di qritho u d’Midın kalyene laşan dmatfınla.