Nasa manhatla soruho lu Mars

Bıthır ğalabe nesyune, nahıt bi harayto u soruho du tukoso du Athir d’Amerika-NASA bi britho d’Mars.

 Bu zabno dnahıt u soruho’ste a falohe kulle dıksaymi duyoqayde, fsihi lu şuşotano du soruho, bıdele bıthır dımşadır a sorutho qamoye me Mars.

U soruho d’Perseverence nahıt bi harayto bu planet d’Mars-dkıtyo dan 4 mi şemşaydan. Mars dkıtyo i planet trayonitho nacımto lfuth a bıryawotho hrene, kito’ste eba u turo celoyo dkulle u Vulkano d’Olympus-dkıtyo 27 alfo metrowiye celoyo-awkith 3 naqlat cleytır mu turo celoyo di brithaydan Moun Everest.

Zıd me falge da çerobe dsimi leşan dmımte li duktho dilonoyto dımbayno b’Mars lo naçihiwo elo athmıl, qadır u soruho d’NASA dfoyarwo 20 alfo kilometre i şoctho-dnohıt bu planetano wa falohe kulle dkıtwın bu qentrun d’NASA fsihi ğalabe cal dqadiri dmanhıtile b’Mars.

U nesyunano sim, bıthır mıd mşadarwo 6 naqlat soruhe lu Athir u dmaşewo eşne yarixe d’fulhone calu soruhano. Bıthır mıd nahıt u soruho, bıdele dımşadır a sorutho qamoye l’NASA wu cal dıkmitıftakır dkıtwo meqım maye b’Mars, ucdo gıdmşare u soruho dsoyım buhone leşan dımqafe fossile-en kıtwo meqım haye b’Mars aw lo.

A fulhone wa buhone dgısoyım u soruhano d’NASA, gıdmdawmi holi şato da 2030. Hdo şato b’Mars-2 eşne di brithayan’yo u yawmo’ste yarıxtır mu yawmo di brithaydan’yo. İ hırara b’Mars 62 darğe Celsius’yo wi hawayde 95 koldioxid’yo u belhude 1 ba mo oxiyen’yo.