Nicolas Aljallo bıthır me zabno yarixo dxalınwo a qıryawotho du cameydan du qlimo d’Hakari dacır sımle slutho bu yawmo du slibo

Nicolas Aljallo dkıtyo malfono bu bethsawbo Kadir Has, mhalaqle dawse ulsoyto bıthır me zabno yarixo dxalınwo a qıryawotho du cameydan du qlimo d’Hakari dacır sımle slutho bu yawmo du slibo u be bzabno dktwe u yawmo du qadişo Mor Sawo di cito d’Romttha.

Aljallo dkıto farsufo mu cameydan bıthır mıd maltamle zuze mandafle i cito di qritho d’ramtho dme zabno yarixo hawyo xıd bayto hariwo.

U nicolas Al jallo dkıtyo ha ma abne du cameydan u othuroyo Suryoyo meqım zabno mmabdewole tarmitho dı malom zuze laşan dımhathıth i cito d’Mor Sawa di qritho d’ramtha laşan dmiqdır mi sale eba.

Bıthır mıd sımle u tendifo di cito ba yawmo dşaficina bu yawmo şatonoyo du duxrono du slibo  hiye u tre farsufe hrene ma bethsavbe azzıb sımlın socrutho li cito d’Mor Sawa u yatiwo cama comure di qritho u mıdlın mawdconutho manne.

Bi taşdarto d’Aljallo kıtwo İsa Yalan dkıtyo ma abne du cameydan dıkhoye b’Almanya kıtwo u arkyologoyo inglişoyo Alexander Ednmons u burak Ugur dkıtyo farsufo mi mşablonutho da dukothe.

Bıthır mi socuruthathe Al Jallo bu mamlo dsımle mırle a abohotheyde mu qlimano ne mawxaste kul zabno ksamno socurutho lu qlimo.

Aljallo bu mamleyde mırle a abohotheydan  ba 70 yat mgalwelın ma dukothani u me meqım 70 ışne lawi slutho bi citathe ucdo fsihoyena dıgmslina harke u kımqadmina tawdiyotho la farsufe dı mandaflın i citathe.