Professor Fuad Şamcun Oduncu mıdle u şukono celoyo dkito bu athro d’Almanya

U professor Fuad Şamcun Oduncu mıdle u şukono celoyo dkito bu athro d’Almanya, cala fulhone dsımle li noşutho.

 Oduncu xıd nacimo Suryoyo dımgalwewole l’Almanya, malhaqle d’qore tarte madraşyotho celoye di osyutho udi falsafe, u hawi u professor celoyo du kanser bu athro d’Almanya.

U professor Oduncu mgalwewole xıd nacimo d’ 4 eşne cami iqarthayde l’Almanya mi qritho d’Habsıs d’Turabdin. Oduncu bu zabno da madraşyotho qrele tre ferce camhdode-ha ma ferce dkıtyo osyutho wu ferco hreno di falsafe u hawxa mahwele mıqa claymo kaşiro’we dqadır dmaxlıs a 2 ferce yaqure du yufono bkaşirutho.

Bıthır mıd mdawamle bu ferco di osyutho hawi professor u mıdle yulfono dcalu kewo du kanser dkıtyo ha ma kewe yaqure dmiqafelın samone. U professor camgabe da fulhone dsımle bu haqlo du kanser uda darmone, marwahle u maqwele a esore di bethkrihe rabtho du kanser dkıtyo b’Almanya   cama bethkrihe hrene d’athrawotho frişr; beynothaye d’Turkiya.

Sımle’ste fulhone rabe beyn du cameydan xıd mathlo mşatasle u huyodo tibeloyo da osawotho du cameydan u kıtle fulhono, dsoyım sfarmele di osyutho uda samone. U professor Fuad Oduncu dsımle tahrazyotho mşahılfe bu froshezwo d’Suroyo tv mdaşın u şukono celoyo du nesyuno da fulhone di noşutho mu rişqutno d’Almanya.

Camgabe da fulhonani dıksoyım bi ruşmoyutho di osyutho u ğer, kowe mcawnono lan abne du cameydan dıkmısnoqi ele bu haqlo du kanser. U profesor Fuad Şamcun Oduncu dkıtle cwodo dilonoyo dımqafe samono mqabıl du kanser komır; U şukonano, şukono dıkmahwe dıklozım ha dsoyım zıttır fulhone li noşutho’yo.

U şukonano gıdmitahwe lu professor Fuad Şamcun Oduncu bıthır b’yawmo b’zawho dilonoyo dgmitayıb b’Almanya. Cal ışme di mdabronutho d’Suroyo tv kımhanina u profesor du cameydan Fuad Odunncu dmati lhawxa şukono dkıtyo u şukono rabo dkibe dmitahwe l’farsufo ba haye di noşutho.