PUTİN MŞAHLAFLE U RENYAYDE Bİ SBUTHO UKRAİNA
‘Klozım dmıftakrina cal aydarbo gıdmaklena u qrobano b’Ukraina dkıtyo trajedi rabo. Kull qrobo trajedi’yo lu camo ulu athro u calathe. Latyo Rusya dgrışla ruha ruşmoyith mu maşıqlo da droşe du şlomo-Ukraina’yo dgrışla ruha. U mamlano du rişono Rusoyo Putin sim bıthır bu knuşyo dan athrawotho hadome d’G-20.
Bebzabno a melani d’Putin dlıkmıntoriwo, trelın du kenşo Emwothoyo dımşayıl-Mınyo i niye/u nişo, bıthre du mamlayde. Hem Rusya u hemste Ukraina kımawdıci, dmaklelın athmıl b’lalyo şişaltho d’cuqobe dsımi aclaye u dmadrelın a soruhe dmafiri u lfuth i wazirutho du sutoro d’Rusya, Ukraina lo naçiho ba cuqobayda cali mdito d’Cherson u calathe hawila husrone rabe. Elo lfuth Kiyev, a folhayda nafiqi b’zoxutho ma cuqobani.
Bu mamblo dsımle u rişqutno d’Ukraina mırle’ste; Lıkobina aftho, dmimodo i hiruthaydan menayna. İnaqla du kenşo mdinoyo dımşare dsoyım kompromiss cama marhıbone uma diktatör, kulayna gıdmvaycina-Ukraina, Urifi u britho kula. Me gabo hreno bu zabno dıkmdawım u qrobano, mawdıc d’Amerika manqasla 30 ba mo mu snodayda u folhoyo da foqucotho, l’Ukraina mu zabno dımşarele u qrobo beyn İsroyel u Hamas.
Elo Pentagon m’akadla, du fusqonano latle asirutho bu qrobano. Cama şuşotani’ste mawdıc du athro d’Finland sxırle a thumayde kulle cam Rusya jğer me ha, bnişo dmitaklıyo i golutho rabtho da bnaynoşo dcabiri l’Rusya ume tamo dnufqi l’Urifi bu darbo du thumo d’Finland