25/02/2021

QASAD frısle taşroro cali netiçe da cuqobe dsımlın cal Dacış

A Haylawotho d’Suriya Demoqratoyto, frıslın u taşroro di netiçe da cuqobe dsımlın cala ğrobe marhıbone d’Dacış bu yarhano d’Şbot.

 Me gabo hreno a hayle Iraqoyeste sımlın athmıl cuqobe hathe cala dukotho da marhıbone u qtilın 20 bu qlimo d’Diyala

Lfuth u taşroro dfrıslın a Haylawotho d’Suriya Demoqratoyto, mawdaclın i netiçe da hamlat uda cuqobe dsımlın bu yarhano d’Şbot bu snodo da hayle du koalisyon Emwothoyo cala dukotho da ğrobe marhıbone d’Dacış bu qlimo d‘Deyr Ezzor.

Bu taşrorano mawdıc, ba cuqobe dsimi 23 bu yarhano b’Ğaribia bu garbyo b’Deyr Ezzor, msıklın 7 marhıbone u mahıtte ido cal kmoyutho rabtho d’zayne u buğre u alat du teknik. A cuqobani d’QASAD, simi bu snodo oyaroye da tayosyotho du koalisyon Emwothoyo.

13 bu yarhano’ste sımle QASAD wu koalisyon msıkwolın 9 marhıbone b’Deyr Ezzor u 4 bu yarhano, mabdewolın a Mharbone hamle rabtho cala krılyotho d’Dacış. Elo qariwo la thume d’Suriyaste, a hayle di mşaynutho du Iraq sımlın athmıl cuqobe casye b’Diyala u qtilın 20 marhıbone.

Bi netiçe da cuqobani dsimi cala dukotho dıktolın a marhıbone ruhaye, nafıq taxtuşe qaşyo u mçarıh 10 folhe Iraqoye. Yawme d’Tlotho d’şafıcina’ste a hayle Iraqoye mqafewolın a dukotho dıktolın a marhıbone ruhaye b’Tel Hama b’Daquq u mahıt ido cala zayne, foqucotho, buğre u lojistik dkıtwo bgawaye.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…