Qatolo Hrant Dink maslim l’Turkiya

Ahmet İskender dkityo ha ma mcawnone du qatlo du gilyunoro Arnmnoyo Hrant Dink msik bu athro d’Kırğizistan u maslım lu athro d’Turkiya.

U farsufano dkıtwo 12 ışne u  ışto yarhe hbuşyo acle mahzmwole mu athro d’Turkiya bu passport mzawro du ahuneyde.

Bi sbutho du qatlo d’Hrant Dink meqım ste mawdıc du bethdino kulnaqa mcawaxle u fusqono u hawxa mfayco i şrolutho du qatlano.

Ucdo bıthır me şnayo sagiye u farsufano msik bu athro dKırgzistan u maslım lu athro d’Turkiya laşan dcobır lu hbuşyo.

Bıthır mıd maslım l’Turkiya dkıtwo fusqono dı hbuşyo d’12 ışne u ışto yarhe acle mahıt bu bethhbuşyo d’Metris.

U farsufano bıthır mıd hkımwo bi şato da da 1912  mahzamwole mu athro bu pasaport du ahuno, elo bi sbuthathe aydarbo qadır mahzım latyo idico, awste man mcawanlele.

Bi sbutho du qatlo d’Hrant Dink magle bu tboco froso dhın ma pwelıs u mşale di mşaynutho kıtwolın zawco bu qatlano metul dıfrıswo hızwone dmahwewolın u qatolo Ogün Samas b’fsihutho cama mşale di mşaynutho bıthır mu qatlo, u be bzabno kmahkewo b’şubhoro calu qatlo.