Qore i Garbiyoyto mjarabla soruhe hathe

Qore i Garbiyoyto, mjarabla naqla hreto soruhe calu yamo du Yaban.

 İ mawdconuthatheste, hiwo hem ma mşale du athro şbobo d’Qore i Tayemnoyto udu Yaban.

Lfuth i maqırhonutho dhiwo ma mşale du gayso d’Qore i Tayımnoyto, a hayle d’Qore i Garbiyoyto mjarablın 2 soruhe hathe calu yamo du Yaban. U şıkıl da soruhani dmafiriste, heş latyo idico mayna modelne.

Hathe da 3 naqlat bıgawe du yarhanoyo, dkımjarbo Qore i Garbyoyto soruhe qariwo la thumayda. A hayle du yamo du Yabanste m’akade u tebano du jerobo da soruhani. U Mawtbo Camoyo Celoyo d’Qore i Garbiyoyto dıkmişakıl me 700 mşale gıdlaymi bıhdo dukotho bu yarho dıbqamuthayna.

Dothe u knuşyano dmisım, hathe kuthyo li mıcne d’Qore i Garbiyoyto kubco dmahwıyo lıbritho, dkiba dsaymo hal u virus d’Corona. U athro heş lo mawdacleste en kıtle bnaymothoye dtafilın u virusano.