Qoyuma Çelik mcayadle u cedo bu parlamento u sımle i şultonutho sturyo bi sbuthathe

U qoyumo du cameydan Tuma Çelik mcayadle u cedo di qyamto d’moran yeşuc mşiho bu leşono suryoyo bu parlemento du athro. Çelik bu mamlo dsımle mırle u yawmano klozım micayadwo bu athro kule xıd yawmo du cedo wu parlemento klozım hwewo sxiro, elo mi zihniye du floğo u du terhiqo da came mehdode u cedano lıkmicayıd bi ruşmoyutho.

Bu mamlano dsımle bu zabno dkıtweyle mamlo cal qonuno da hbişoye dkıbci mafqi qonuno dmitarfın  ahbişoye laşan dlowe gunho rabo bu kewo di Corona.

U qoyumo bi qamayto bu mamlo dsımle mcayadle u cedo di qyamto da mşihoye dkımcaydi 12 bu yarhano u mırle:

Bıthır mıd mcayadle u cedo u qoyumo sımle sturyo i şıltonutho du athro bi sbutho du cedo u mırle. U yawmano klozım howewo cedo ruşmoyo du athro, wu parlemento klozım howewo sxiro, elo cam hbol mi zihniye du floğo du terhiqo da came mehdode dkıtxu lıkmicayıd u yawmano xıd cedo.

U kul naqqa b’Turkiya hawi u falqo dkıtyo qariwo li şıltonutho dıkqathle u mede dkito, awkith a tarmiyotho di tagorutho kmitahwın lu gurubano, u tboco froso lu gurubano kmitahwe, u hani qulnaqa kıtlın duktho diloyto si şıltonutho du athro, a falqe hrene wa came hrene lo ayowmathathe u la rınyathe kmitaqıbli.

Mawxaste ucdo bi sbutho du droşo du qonuno du terfiyo da hbişoyeste i zihniyatheyo awkith a hbişoye dkıtne manfıcone aw dkıtne qariwo li şıtonutho kmibıc dmitarfın u lo ahbişoye dkıtne folitiqoye aw dkıtlın rınyo mşahılfo awste dı latne qariwe li şıltonutho, u hathe kmawbılo u athro l’darbo fawdo.