Qoyume Iraqoye sımlın socurutho li hiğmonutho d’Ninwe

Taşdarto dıkmişaklo mı menyono d’mşale bi hiğmonutho d’Ninwe u qoyume Iraqoye, sımlın socurutho lu qaymaqam di qastra Suryoyto d’Bağdede di daşto d’Ninwe ardixlo Cisam Bahnam Matti.

Bi ytawtathe, drişo i aykanoyutho du hulmono udi mşablonutho kenşoyto bi qastra d’Bağdede uba qıryawotho d’hedora.

U qaymaqam di qastra Suryoyto d’Bağdede di daşto d’Ninwe ardixlo Cisam Bahnam Matti, mıstaqbele athmıl bu qentrun di qaymaqamiye taşdarto dıkmişaklo mu tahlufo qamoyo du hiğmuno d’Ninwe Serwan Rozbayani, u qoyumo bu parlamento du Iraq Şerwan Aldobırdani u menyono ma mşale di hiğmonutho d’Ninwe.

Bi ytawtathe mtayıb orucutho rwıhto dmıştawtaflelaste amşale da dayirat uda şutose ruşmoye di qastra d’Bağdede.

Bu şuroyo di ytawtathe, u qaymaqam Cisam Matti hule mawdconutho kritho cali aykanoyutho gawonoyto d’Bağdede, ukali dilonoyith cala tedbire dımbayni mqabıl du kewo du virus d’Corona.

Bıthır mathe, a’hadire kulle drışlın i aykanoyutho du hulmono udi mşablonutho kenşoyto u sebwotho hrene dkıtlın asirutho cami aykanoyutho d’Bağdede.

Be bzabno, a’hadire drışlın a’qetre u casqıwotho dkıtlın a’dayirat u şutose d’Bağdede wa darbone du şroyaththe.