15/04/2021

Qoyume me Hollanda mşayaclın egartho l’Borell calu qedomo d’Turkiya lu camaydan

Qoyume d’gabe frişe d’Hollanda, mşadarlın egartho lu mşalo da esore baroye du Huyodo d’Urifi Joep Borell u grışlın u zuhoro du qedomo d’Turkiya lu camaydan.

Bi egarthatheste kle dilonoyith calu fusqono dmıdle u bethdino d’Turkiya mqabıl du dayroyo Aho Sefer Bilecen di cito d’Mor Yahkub d’Qarno dkıtyo bu Turabdin.

İ sbuthathe du fusqono dmıdle u bethdino Turkoyo mqabıl du dayroyo Aho Bilecen, lo belhude xlıqle hbuxye beyn du camaydan elo macçazle’ste 4 qoyume Hollandoye dkıtne bu Gabo du Camo wu gabo da Mnatrone bu parlamento d’Urifi.

A qoyumani dkıtne Annie Schreijer-Pierik (Christian Democratic Appeal-CDA), Esther de Lange (CDA), Peter van Dalen (Christian Union) u  Bert-Jan Ruissen (Reformed Political Party-SGP), tlıblın mu mşalo da esore baroye du Huyodo d’Urifi Josep Borell, dkorıh u msoko du dayoroyo Aho Bilecen.

A hadome Hollandoye b’EPP u b’ECR, mqadamlın rmoyto l’Borell dmasle u hkomano du dayroyo di cito Suryoyto Orthodoksoyto l’2 eşne u yarho hbuşyo me thome di marhıbonutho dkıtne rahuqe mi şorutho. An 4 qoyume Hollandoye mırlın bi rmoytathe; U hkomo du bethdino Turkoyo mqabıl du dayroyo Aho-dharbo hreto’yo lu asas di demoqratoyutho, da zedqe noşoye uli msaytronutho da qalilotho dıkhoyın bu athro.

Bi rmoytathe an 4 qoyume Hollandoye kımşayli l’Borell; 1.Bi idactho di sbuthathe du hkomo du dayroyo Bilecen’hatu? Kımfaşqitu i dacwathe du dayroyo xıd mathlo hreno du dyoşo dıksaymo Turkiya cala zedqe noşoye ucali qalılto da Suryoye? 2. En bi idactho’hatu, kıbxo dtulbitu fuşoqo kamilo bi sbuthathe? 3.Kıbxu dtulbitu ma mşale Turkoye, dmaqimi u fusqonano du hkomo du dayroyo u dmıhthomo i dacwathe dftiho mqabıl dide?

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…