21/01/2023

Qoyume simlen taglitho bu parlamento d’Lebnon

İ taglitho dmabdıyolın a qoyume Lebnonoye bu parlamento du athro yawme d’Hamşo dşafıcina kımdawmo u mıştawtaflela’ste ucdo ğer qoyume hrene. Bi taklithathe a qoyume Lebnonoye kımawdıci, du protestano gıdmdawım bu parlamento, hol da gabe folitiqoye dımnaqın rişqutno hatho lu athro.

BEYRUT – A tre qoyume Lebnonoye-Melhem Xalaf u Najat Saliba dkıtne mu bloc du şuhlofo bu parlamento du athro, mabdewolın yawme d’Hamşo dşafıcina taklitho u mawdacwolın, dlıgmaklın u protestano hol du rişono du parlamento Nabih Berri dmabde knuşyo dıklozım dmidawım hol dminaqe rişqutno u mdabronutho lu athro.

A mşale Lebnonoye sxırwolın a tarce wu kahrobo du bınyono du parlamento, elo i taklitho mdawamla wu athmıl’ste sımle mınyono d’qoyume u mşale Lebnonoye azzın li duktho di taklitho; beynothaye kıtwo Sami Gmayyel, Elias Hankash, Elias Jrade, Paula Yacoubian uğer. A qoyume mawdaclın’ste dlatte qetro da mşale du athro qtıclın u kahrobo aclaye bu parlamento-cal du camo Lebnonoyo kule latle kahrobo.

U parlamento d’Lebnon sımwole yawme d’Hamşo u knuşyayde da 11 leşan dımnaqe rişqutno hatho-dıklozım dhowe ha Mşihoyo. Elo bi netiçe naqla hreto lawi awyutho cal mraşho uba guboye dsimiwo ba 2016’ste, fayışwo u athro 2 eşne ubı 45 knuşye du parlamento hol bi harayto mnaqewo Michel Aoun. A guboye haroye dsimiwo b’Lebnon bu yarho d’Teşrin u qamoyo da 2022 uholucdo, lo rişqutno mnaqe uloste qadiri dımşakli şultonutho.