Qoyumo Antwan Pano mırle; u mede dsımle u Gabo Huyodo Tibeloyo Suryoyo b’Lübnon mede dıkmanhır i fothoyo

Bu zabno du gabo du huyodo Suryoyo Tibeloyo wa şutose hrene mfarqi u snodo lu cameydan d’Lebnon u qoyumo du parlemento rabhaylawotho Antwan Pano mahwele awyutho cama hadome da şutose.

Bu zabno dmahwele u qoyumo awyutho a hawroneydan sımlın maqıblonutho acme bu leşono lebnonoyo u hawxa mırle:

İdicoyo britho lbıktoyo bu kewo di Corona , wu mınyono dı tafilin u kewo zayıd zıttır me mılyun, wu mınyono d’mayith fayıt a 50 u 60 alfo bı britho.

Sbutho jıdddiyo i sbuthathe mawxa klozım maydinala jıdiye, fayşina ba bote u mahtina maskat, laşan dımhafdina ruheyna wu ğeyr minan. Ahna b’Lebnon a mkone di mcadronutho du athro mhadedene. Mawxa u mede dsımle u gabo du huyodo Suryoyo, camu hawreydi Brahim wa hawrone wi gudo dkıtne acme u mede dsımlın mede dıkmanhır i fothoyo, mawxa onoste mşacacno dotheno sonadno i mcadronuthathe. Ucdo bu zabnano kuleyna klozım mahtina idotheyna b’idothe dıhdode. Laşan dı qudrina xulsina mu şabtano mu maşıqlano dımsıklellan. İ sbutho yaqurto i sbutho da haye di macişeyo, u khozina u gabo du huyodo Suryoyo qoyım bhawxa mcadronutho, u tawdi alxu, u kıtlan sabro dımdawmo i mcadronuthathe.