17/09/2021

Qoyumo Çelik bi maqırhonutho dhule maglele cala dugle dıha ma kathowe du athro d’Turkiya

U qoyumo şaryo du cameydan bu parlemento d’Turkiya bi maqırhonutho dhule maglele cala dugle dıha ma kathowe du atro d’Turkiya dmırle bu zabno du Sayfo u mınyono da Suryoye othuroye 50 alfo farsufewe.

Çelik bi maqırhonutheyde dcalu dafo du twitter komır u barnoşe kibe mdagıl elo ha kathowe dımdagıl haqa latybe mitaqbıl.

U qoyumo şaryo du cameydan bi maqırhonutheyde komır  lfuth i rışmoyutho bu zabno du sayfo di şato da 1915 kıtwo hedor 500 alfo farsufe Suryoye Othuroye, wi naqa ha dhoyır bi ruşmoyutho di cito ktwo hedor 700 alfo Suryoye othuroye.

Çelik komır u farsufo kibe mdagıl elo lo hawxa dugle rabe dı latlın şerşo. Bu funoyo dkobe lu kothubo Turkoyo Hulusi Şenel komır: u farsufo kibe mdagıl elo ha kothubo aydarbo kibe mdagıl hawxa rabo.

U kothubano bi mimartho dıfrısle bhaq du Sayfo kımnase heş bıthır mu zabnano dıbritho mawdele dhawi sayfo Cala Suryoye Othuroye Armnoye dmahwe du qtolğınzo dhawi cala camani latyo şrolo. Mawxa u qoyumo du cameydan kobele funoyo ba xabre yaqurani dkomır aydarbo ha kothubo kibe mdagıl hawxa domır u mınyono da Suryoye u othuroye bu zabno du Sayfo 50 alfo farsufewın.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…