03/08/2021

Qoyumo Çelik frısle maqırhonutho dıkrıhle eba u qtolcamo dsımwo calu camo Ezidoyo d’Şigor

U qoyumo şaryo du cameydan bu parlamento d’Turkiya Tuma Celik, frısle maqırhonutho dkrıhle eba u qtolcamo dsımwo calu camo Ezidoyo d’Şigor bu garbyo du Iraq.

Me gabo hreno  i Mdabronutho d’Şigor mıdwola fusqono, da şutose u du camo d’Şigor dkole 5 qatinotho d’şetqo lu iqoro da sohde d’Şigor.

U qoyumo Tuma Celik bi maqırhonutho dfrısle bi dafayde du Twitter komır; Bı  iqoro kmathkırina a sohde da Ezidoye d’Şigor d’qtiliwo b’barbroyutho rabtho.

U qoyumo ksoyım qrayto lu kenşo Emwothoyo kule, dmahwe klayto mqabıl da qtolcame uda qtolğense lo noşoye dıkmisomi b’britho.

Celik bi maqırhonutheyde komır; 3 bu yarho d’Ob da 2015, naqla hreto a hayle catume ftıhlın fotho kımto hreto, ban arcotho makthabzabnoye.  Bu qlimo d’Şigor, a marıhbone d’Dacış wa hayle sanodathe dlo rahme-qtiliwolın 5 alfo neşe, gabre, sobe u nacime ma Ezidoye. B’iqoro kmathıkrina a Sohdani d’Şigor.

Me gabo hreno i Mdabronutho yothoyto d’Şigor bu fusqono dmıdla, u camo di qlimo wa falohe da şutose kulle, kalın 5 qatinotho lu iqoro da sohde d’Şigor. Me gabo bi hfitutho du duxrono şatonoyo da 7 eşne du qtolcamo dsımwo cala Ezidoye, i mşalonitho d’UNAMİ Jeanine Hennis-Plasschaert mkararla i qroytayda, dıklozım dmitarkıw u qyomo d’Şigor u acme’ste mdabronutho dkiba hayro cali fnitho.

U qyomano mdewo bu yarho d’Teşrin u qamoyo da 2020 beyn di şultonutho d’Arbil udi şultonutho qentrunoyto d’Boğdod bu snodo d’Emwotho Mhaydotho, elo a Ezidoye d’Şigor, cal dımşawarwo ebeye bi sbuthathe-lo maqbewolın u qyomano.