Qoyumo Çelik kıgorış u zuhoro cali wazirutho di tawditho dlıknıfqo moro la citotho u dayre du athro

U qoyumo şaryo du cameydan bu parlamento d’Turkiya Tuma Çelik bi rmoyto dımqadamle lu tahlufo du rişqutno, kıgorış u zuhoro cali wazirutho di tawditho dlıknıfqo moro la citotho u dayre du athro.

Çelik bi rmoytayde dıkmahke cala zuze dgımitahwe li waziruthathe dgımitasrıfi dlo kinutho u dgımitahwın kulle la şırak dkıtne qariwe li şultonutho.

U qoyumo Tuma Çelik bi rmoyto dımqadmle, kımahke cali kmoyutho rabtho da zuze dıkmitahwe li wazirutho di tawditho d’Turkiya u komır; Gıdmitahwe me beyn 16 mılyare 98 mılyune lirat li waziruthathe xıd butça li şato dothe.

Calu floğo da zuzani dgımitahwın li wazirutho di tawditho, u qoyumo kımşayıl me Fuat Oktay mın gıdmisım ebeye u hayko gıdmitasırfi. U qoyumo kımşayıl layna şırak kmitahwın a ihalat da firmat u lkmo şırak hiwi bi şatathe. İ waziruthathe kmo radoyotho kıtla bu duyoqayda u lmın kmitıstacmli.

U qoyumo du cameydan kıgorış u zuhoro di wazirutho u kımşayıl-hal kmithawe momuno la citotho ula knuşyotho dkıtne ruşmoyith bote di tawditho?

Bu huthomo u qoyumo Tuma Çelik kımşayıl-en wazirutho kıtla fulhono dobo u momuno du masraf da citotho uda knuşyotho dkıtne ruşmoyith bote di tawditho?