Qoyumo Çelik mqadamle rmoyto laşan dmitahwe fsoso lu tewlifo du leşono Suryoyo bu athro d’Turkiya

U qoyumo şaryo du cameydan bu Parlemento d’Turkiya Tuma Çelik mqadamle rmoyto laşan dmitahwe fsoso lu tewlifo du leşono Suryoyo bu athro d’Turkiya.

Bi rmoyto dımşadrole lu waziro du yulfono  d’Turkiya Mahmut Özer kımşayele en i wazirutho kıtla tahrazto dı fıtho madraşto du leşono Suryoyo.

U qoyumo bi egartho di rmoyto kmahke calu zedqo dkıtle u cameydan lfuth u qyomo d’Lozan dkomır a mşihoye kıtlın zedqe du tewlifo du leşono emhoyo dkıtlın.

U qoyumo komır lfuth u qyomo da zedqe noşoye wu qyomod’Lozan a came mşihoye kıtlın zedqedu yulfono du leşono emhoyo elo hul ucdo i şıltonutho du athro lula fsoso xdu mede dıklozım ulu yulfono emhoyo da came dı latne Turkoye.

Çelik bi rmoyto komır bıthır mu qyomo d’Lozan u bethdino du athro ste hkımle dmitahwe fsoso d’madrşayotho lu camo Suryoyo elo hul adyoma star me ganathşabre a Suryoye latlın madraşyotho du yulfono Suryoyo.

Mawxa u qoyumo kımşayılmu waziro du yulfono en kıtle tahrazto dımşare fulhone dı ftoho d’madraşyto du leşono Suryoyo  aw lo.

U şuwolo trayono dkımşayıl u qoyumo du cameydan komır i wazirutho mıqa hula mcadronutho la madraşyotho da qalilotho.

U qoyumo kımşayıl mu waziro en huladyoma i wazirutho hula mcadronutho li madraşto d’Mor Afrem da Suryoye dkıtyo b’Stambıl.

Bu huthomo u qoyumo komır en a suryoye lıg qathlın u telif odu leşono Suryoyo hathe latyo mqabıl du nomuso esonoyo u du bethdino da zedqe noşoye d’Urifi.

Bu dumyano u waziro naqqa hreto gorış uu zuhoro di şıltonutho d’Turkiya calu yulfono du leşono Suryoyo.