Qoyumo Çelik mşayele calu tecmiro dıkımdawım b’duktho makthabzabnoyto di Mditho d’Mırde

U qoyumo Suryoyo bu parlamento d’Turkiya Tuma Çelik mşayele calu tecmiro dıkımdawım b’duktho makthabzabnoyto di Mditho d’Mırde.

Çelik mşayele u şwolano lu waziro du Mahduro Murat Murum.

 Bi rmoyto du şwolo dımqadmole u Qoyumo Suryoyo Tuma Çelik kmawdıc, bi şquqo qadmoyto dkıtyo bu qentrun di duktho makthabzabnoyto d’Mırde mi şato da 2016 kmidawım bu bnoyo du park da radoyotho, calu medano kito hfuxyo.

U bınyono dıkmıbne qariwoyo li cito d’Mor Afrem. Hollocdo latyo idico dımqadım taşroro dıkmawdıc du bınyonano gıdobe darar li cito aw lo.

U qoyumo d’Mırde Tuma Çelik mşayele  a şwole dkito bhaq du bınyonano lu waziro du mahduro uda mdinotho Murat Kurum. Bu şwolo dımqadamle Çelik bı kthawto grışle u zuhoro calu tehriwo dıksoyım u bınyonano.

Ba melani kmidawım li rmoyto ”i termitho mşarela park da radoyotho dkıtyo kmo taboqe li karxutho elo bıthır mazıd cali termithathe şuqo sxırto u ofise mşahılfe. A yadıcthone mawdacce a bınyonani gıdmahrıwi u şıkıl di mditho d’Mırde. Me gabo hreno bi duktho dkito bnoyo biya flığle u darbo wu darbo sxir lu trafik u hollocdo lo ftih. Lfuth da iddicat dhiwi mu tboco froso, i firma abico dsaymo şuhlofo cal dhawi şwolo bu darbo elo i karxutho lula u fsoso dıklozım”.