Qoyumo Çelik nqile i sbutho Diril naqqahreto lu parlamento
U qoyumo du cameydan bu parlemento d’Turkiya tuma Çelik naqqa hreto mşayele cali iqartho d’Diril dhani me 11 bu yarho du ha mvaycene.
Çelik bu mamlo dsımle bu Parlemento mırle, sımlan qreyotho ğalabe li şıltonutho elo lımıdla i sbuthathe li ido u lı sımla kroxo cali iqartho.
Bu parlemento d’Turkiya a qoyume kımahti maskat laşan dılo tofelın aw dmatfın u kewo di Corona lıhdode, mawxa u qoyumo Çelikste bu zabno dsımle u mamlano kıtwole maske cal feme.
Bu mamlo d’sımle u qoyumo du cameydan Çelik mırle me 11 bu yarho d’Konun u haroyo di şatathe i iqartho d’Be Diril mvayci mi qritho d’Mahre dkıtyo b’Baytu Şabab.
Cıl mıd sımlan qrayotho ğalabe li şıltonutho elo lı sımla kroxo jiddi bi sbuthathe. U ftoho du bethdino lımid bşarirutho li ido. U losim maqırhonutho mede. İ şıltonutho lımhalaqla dawse laşan u kroxo dcala mothonoyani.
Bi sbuthathe 20 bu yarho d’Oder mqafyo i şlado di mnohto şmuni Diril.
İ şıltonutho kıtla mşalutho mqabıl du sutoro da barmothoye, elo hul adyoma i şıltonutho lımamtela i wolithayda la haye.
U qedomano da mşale trele xamo rabo sa Suryoye dı naqıs u mınyonathe bi fnitho. İ şıltonutho klozım manıhto i wolitheyde la haye, klozım misim kroxo u buhono bi duktho. Wu bethdino dmimıd b’zalilutho li ido. A mşale du bethdino dbi sbuthathe klozım dobın maqırhonutho eba. Bu huthomo u qoyumo mırle i şıltonutho klozım b’surca fayto li harake laşan dımqafyo hermız Diril dkıtlan sabro dkıtyo ba haye dmiqafe.