08/06/2020

Qoyumo Comar tlıble di şultonutho d’Suriya dmıstacfo mi wolitheyda

U qoyumo du parlamento d’Suriya Comar Ose tlıble mi şıltonutho d’Suriya dmıstahfo u dımşaryo esore cami mdabronutho yothoyto du garbiyo u du madınho d’Suriya. Bi mawdconutho dhule li dafo d’Rudaw mırle bi itawto du parlamento dhawilan dıdrışlan i aykanoyutho haruto du ekonomi, wi lira d’Suriya dkımwayco timo tlıble di şıltonutho masılmo i wolitheyda.

Bu zabno haroyo i lira d’Suriya mwayacla mu timeyda ğalabe mqabıl du Dollar u du Euro u da zuze dıbritho, u mamtela cam ruha şğuşye bu athro, u bhın dukotho u camo kmahwe hfuxye metul dlaw kibın mdabri ruhaye bu gabo du Ekonomi.

Cali sbuthathe bu zabbno dhawi droşo bu parlamento du athro u qoyumo du parlamento dkıtyo Kurdoyo mahwele hfuxyo u tlıble di şıltonutho mqadmo i mşalutheyda, u be bzabno klozım mişare esore cami mdabronutho yothoyto du garbyo du madınho d’Suriya.

Bi mawdconutho dhule  u qoyumo Comar Ose li dafo d’Rudaw mırle.  Bıthır ma qatre u şuwole ekonomikoye dkito tlıbli mi şıltonutho dobo i mşalutheyda laşan dminaqe şıltonutho hathto, u be bzabno dhowe esore cami mdabronutho, metul di mdabronutho kıtla mşalutho cal dukothe mşahılfe du athro.

Ose bi mawdconutheyde komır bıthır mıd a esore dımşarın atre tarafe dımqadmi rakixo u dımdawmi a esore laşan dmotın lı şroyo tawo lu athro kule.

Check Also

U parlamento d’Australia tlıble mi şultonutho du Iraq dımşatso şultono yothoyo lu camaydan dıkhoye bi daşto d’Ninwe

U parlamento federaloyo d’Australia, bıha femo tlıble mi şultonutho du Iraq dımşatso şulto…