Qoyumo Yusuf Aydin: Athi u zawbno du Swed xıd ğer athrawotho Urifioye, dmawde da gunhe dsimiwo bu zabno du qrobo qamoyo dbritho-qtolğenso’we

STOCKHOLM – U folitiqoro Suryoyo Yusuf Aydin dkıtyo qoyumo bu parlamento du Swed mu gabo da Mşihoye Demoqratoye mkararle i qroytayde li şultonutho du athro dmawdıyo bu qtolğenso dsımwola i mamlaxtho da Cuthmanoye calu camaydan, calan Armınoye u Pontusoye bi şato dan 1915. Bi egartho dfrısle Aydin mırle; Xıd adyawma meqım 110 eşne, mabdewola i mamlaxtho da Cuthmanoye u qtolğenso barbroyo cala qalilotho Mşihoye.

Aydin kımawdıc, bu Sayfano dsımwo, qtılwo 1.5 milyone d’Armınoye, mu camaydan u Pontus Yawnoye. Kito awyutho kamılto beyn d’sagiyoyutho d’yadıcthone Emwothoye dıkmadili, da hawbe barbroye dsimiwo bşıkıl mtakso u b’nişo dquşci a Mşihoye dıkhoyanwo bi mamlaxtho da Cuthmanoye, qtolğenso’we.

Aydin komır; Ucdo’ste athi u zabno du Swed dmawde bu Sayfo xıd qtolcğenso-xıd aydarbo Fransa uğer athrawotho du Huyodo d’Urifi mawdelın ebe. Ahna a nubğe, kull naqla gıdmathkırina a dıbhe wa Sohde du Sayfo mayiro dsımwo aclayna ucala Mşihoye hrene bi şato dan 1915.

Yusuf Aydin dkıtyo folitiqoro mu gabo da Mşihoye Demoqratoye, mnaqewo qoyumo ba 2022 lu parlamento du Swed, uba egrotho dıkforıs me zabno l’zabno kıgorış u zuhoro cali sbutho di cali hirutho di tawditho a rdufye dıkızaydi cala Mşihoye du Madınho Mescoyo u gawonoyith bbritho mcal fothe di haymonuthathe.