Qroyto şuşoto yulfono Suryoyo Ciraq
I mdabronutho gawonoyto du yulfono Suryoyo bu Ciraq, bu knuşyo dımtayabla bi mditho d’Boğdod, drışla aydarbo kibe dmişawşıt u maşıqlo du yulfono Suryoyo ba hiğmınwotho mşahılfe du Ciraq. Bu knuşyano, drişi ste a’dawsat dıklozım dmihalqi laşan dmitafıt u şbilo du leşono Suryoyo ba buhrone da madraşyotho bi şato dıbqamuthayna.
BOĞDOD – Lfuth a’fuqdone du mdabrono gawonoyo du yulfono Suryoyo du Ciraq Cimad Salem Jajjo, a’mşale di dayira du yulfono Suryoyo qentrunoyo d’Boğdod sımlın athmıl knuşyo dımrayşanla i mcadronitho du mdabrono gawonoyo An Andırawos, udmıştawtaflele i mdabronitho du ferco du duyoqo uda duroşe Florens Bahnam, i mdabronitho du ferco da şbile udu Teknik Şarara Yusıf wu mdabrono du ferco du yulfono Suryoyo bi tarbitho d’Boğdod Cimad Viktor.
Bu knuşyano, driş aydarbi kibe dmişawşıt u maşıqlo du fulhono yulfonoyo di mdabronutho gawonoyto uda fercayda ba hiğmınwotho du Ciraq, ukle ste cala dawsat dıklozım dmihalqi, bnişo dmitafıt u şbilo du leşono Suryoyo ma buhrone da madraşyotho ruşmoye bi şato yulfonoyto dıbqamuthayna. Mawxa ste mte l’awyutho dmisım socurwotho la madraşyotho dıkmitahrıg ebaye u şbilo du leşono Suryoyo, udmitayıb knuşye cama mdabrone da madraşyothani, bnişo dmışrın a’casqıwotho dkito b’qamuthıd du maşıqlo du tewlifo du leşono Suryoyo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
