Qtil claymo hreno man abne du camaydan d’Södertälje
Charbe İssa dcımre 30 eşne, qtil ba buğre dmarıs acle qum cayne di barthayde, bı bayto bi fnitho d’Flemingsberg.
STOCKHOLM – Athmıl bıthır mi şoctho da 12 du lalyo, marıs buğre bı claymo d’30 eşne bı bayto b’Flemingsberg dkıtyo qarıwto l’Stockholm. U claymano nafıq li holo dkıtwe man abne du camaydan bu ışmo Charbel İssa, babo dı hdo bartho’we. U polis wa falohe da bethkrihe dazzın li duktho, mnaselın dmakhlısi a hayayde u baroyo nqil la bethkrihe.
Elo bıthır qariwo şoctho mawdacle u osyo, du Charbel nqil ma haye. Lfuth u tbocofroso Swedoyo, u Charbel idico’we heş me meqım mu polis du athro u dkıtwole zabno yarikho asirutho cami şabake d’Södärtelje. Bebzabno mawdıc, du claymano ahıylo cam Ninos Aşuri dıqtılwo b’Geneta ba 2021.
Lfuth i mawdconutho dmatilan, u Charbel qum du tarco du baytayde qtılwo. Mawdıc du Charbel dmıdwole u baytano b’Flemingsberg leşan dkholıs mu cnufyo uma rdufye d’Södärtelje. Bıthır mu hjomano u barbroyo, u polis mabdele buhone u sımle buqore camu camo di duktho elo heş lo mati l’netiçe.
Yawmıd d’Tlotho u Yamwıd d’Arbco mi şoctho da 17.00-20.00 gıdmıstaqbılo i iqartho du mhasyo Charbel İssa a buyoe du camo bi cito d’Mor Yahkub d’Södärtelje.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
