Rabhaylawotho Amerikoyo sımle socurutho l’İsroyel

U rabhaylawotho Amerikoyo Mork Milli, sımle socurutho dlıkmıntorowa l’İsroyel. I socuruthathe du rabhaylawotho simo, bu zabno dı qaşyo i aykanoyutho da thume beyn İsroyel u Suriya.

 Bebzabno İsroyel dmaqwela i ithutho da folhayda cala thumani, sımlaste athmıl cuqobe hathe cala turone d’Golan.

U rabhaylawotho rişoyo d’Amerika Mark Milley, sımle athmıl socurutho l’İsroyel u laqi mşale frişe du athro, leşan dorış acmaye u qetro di mşaynutho du qlimo wu gzomo dıksoyım u İran. I socuruthathe d’Milley mawdıcoste mu gayso İsarloyo dımakadle, dmaqwele i ithuthayde cala thume du garbyo du athro.

U mşalo folhoyo d’Amerika Milley, laqi u rişwazire Benyamen Netanyahu u waziro dcali mşaynutho Benny Gantz wu rabhaylawotho İsarloyo Aviv Kohawi.

Bu mamlo dsımle Gantz mawdaclın dı drışlın cam Milley i ulsoyutho da esore di mşaynutho dkito beyn Woşington u Tel Aviv u mawdaclın, d’İsroyel hadırtoyo lkul şıkıl d’senario u gzomo ma bcelıdbobe du athro dıkmnasın dımjarbi u haylathe.

U gayso İsarloyo mawdacle d’athmıl safrayto, hawiwo furqoco calu thumathe dcam Suriya ba turone d’Golan, dhuwle husrono l’radoyto u l’bınyono mdinoyo bu gabo d’İsroyel. U gayso makadleste dmabdele buhono bi sbuthathe ida u furqocano plan dıhjomo cal İsroyelwe. Gantz mawdacleste, dıkmatcıni i mşalutho da hjomani cali şultonutho d’Lebnon.

Yawme dıtre dı şafıcinaste, qtılwo 5 ma hayle Şica dıkmısnodi mu İran bu cuqobo dsımwole u gayso d’İsroyel bu tayımno d’Darmsuq d’Suriya. Elo a hayle d’Hizballah b’Suriya mdacelın, belhude dıha ma folhathe qtılwo bu hjomano d’İsroyel dsımla mu şuroyo du qrobano d’Suriya ba mowat dıhjome cala hayle bnayqyomo du rejim.