Rişonitho du parlamento d’Almanya-Holocaust
İ rişonitho du parlamento d’Almanya sımla socurutho l’İsroyel u hadiro bu duxrono du Holocaust da Yudoye. İ rişonitho Berbel Bas dmıştawtafla lu zawho ruşmoyo dsim, mahıtla klilo d’warde qum di qoyumtho du qtolğenso da Yudoye, dqtiliwo ma Naziye d’Almanya.
İ rişonitho du Bundestag-awkith du parlamento d’Almanya Bärbel Bas, hadiro u zawho du duxrono du qtolğenso da Yudoye. Hathe inaqla qamayto’yo d’rişono b’darğo celoyo d’Almanya, kmıştawtıf lu duxronano du Holocaust dsim bi qoyumtho da Sohde.
Bu mamlo dsımla Bas bu parlamento d’İsroyel-Knesset mahkela dıkminakfo xıd Almanoyto cala hawbe barbroye dsımwolın a Naziye u dheş hol adyawma, kımnasın dhuçmi cala Yudoye.
Bas hadiro bu duxrono dsim qum di qoyumtho du Holocaust-Yad Vashem dkıtyo bi mdito d’Urışlem. A İsarloye mathkarlın an 6 milyone Yudoye dqtiliwo b’barbroyutho rabtho ma Naziye uma bnayqyomathe bu zabno du qrobo II dbritho.
Bu duxronano’ste, kull şato kmidız zago bu athro kule wu camo kıkole b’dukthe xıd qatınto d’şetqo cali ruhe da mithe. Adyawma kito hol 161 alfo 400 sohude du qtolğensano b’İsroyel u cımraye hedor a 85 eşne’yo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
