Rişono zawgoyo du mawtbo gawonoyo di Mdabronutho Yothoyto, Farid Cate: Turkiya kızzayo lafa n’esore camu rejim d’Suriya, laşan dımşadro u krizayda l’larwal du athro

BETH ZALIN (QAMISHLI), Suriya – U rişono zawgoyo du mawtbo gawonoyo di mdabronutho yothoyto du garbiyo udu madınho d’Suriya Farid Cate, mawdacle dı Turkiya kızzayo lafa n’esore camu rejim d’Suriya, laşan dımşadro u krizayda l’larwal du athro, dilonoyith cal dımqarawle u zabno da guboye di rişontuho, u xıd dkıtyo idico u gabo di AKP mvayacle i camoyutho dkıtwole bayn du camo Turkoyo, mawxa ste ucdo hawi Erdoğan sniqoyo d’qomır m’hatho u tuxlono da noqufayde.

Cate bi maqırhonutho dhule li dafo d’North Press mırle ste “u gabo di AKP kibe dmanhıt katfo mkul mede, awkith kibe dıtore a’Suriye dkıtne noqufe ele ukibe ste dıtore a’fenyotho dıkbışile b’Suriya, bnişo dqomır ba guboye dıbqamuthayna”.

Bebzabno, Cate mathkarle di qariwutho bayn d’Anqara u Darımsuq kımşablo u gabo di AKP bi kampanyayde da guboye, dilonoyith cal da n’esore cam Darımsuq gdımcadro bu tedciro da galwoye Suriye dkıtyo u talab du camo dı Turkiya.

Cate bu huthomo di maqırhonuthayde mırle ste “i mdabronutho yothoyto aminoyith kul naqla camu camo d’Suriya wa, ukul naqla sımwola qroyto lu diyalog bayn da Suriye, cal dkıtla haymonutho du şroyo du kriz d’Suriya balhude bidothıd da Suriye yo”.

A’guboye dı Turkiya kmıntır dmisomi 18 bu yarho d’Hzirın dıbqamuthayna, u gıdhowın a’guboye trayone dgıdmıştawtaflın Erdoğan bıthır mıdhawiwo rişqutno dı Turkiya bi şato da 2014.