29/05/2020

Rusya mşatasla noqazto folhoyto b’Derik b’Suriya

Rusya mşatasla nuqazto folhoyto hathto bi mditho dı Derik dıknıflo cala thume dı Turkiya bu garbay madınho d’Suriya.

 Lfuth i mşatasto d’Suriya da zedqe noşoye, a’Rusoye kıbci dmaqwın zıd u haylaththe bu garbay madınho d’Suriya.

 İ mşatasto da zedqe noşoye d’Suriya bi mawdconutho dfrısla athmıl cal leşone dhın mabuce, mawdacla dhul 12 radoyotho folhoye d’Rusya matın ba şoce dşaficina li fnitho d’Derik bu garbay madınho d’Suriya, u bebzabno 3 helikoptere Rusoye fayiri cala thume oyaroye di fnitho.

 Lfuth i mawdconutho dıfriso, a hayle Rusoye dkıtne bi Gozarto d’Bethnahrin, mşataslın nuqazto folhoyto hathto bi qritho d’Qısır Dib bu garbay macırbo d’Derik dkıtyo qarwto la thume beyn Suriya u Turkiya. U meqım kımo yawme, a hayle Rusoye mahıtwolın radare bıhdo ma madraşyotho di qritho.

 Meqım 2 yawme, dawriye rabtho d’Rusya u acmaste dawriye folhoyto d’Amerika maftewolın fothaye lafi fnitho d’Derna Aği dkıtyo masırto bi qastra d’Aljawadiye bu madınho di mdito d’Qamışli. Meqım matheste, 8 radoyotho folhoye Rusoye cam dawriye Amerikoyto azzınwo l’Dern Aği dıqtılwo eba meqım 10 yawme akoro ba buğre dmarıswolın acle a noture du thumo d’Turkiya.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…