Rusya qtila 14 farsufe ba hçome dsimi cal Kiev

KIEV – ‘U hçomano d’Rusya, ha ma cçiqe dsımla holucdo’yo. Hani hçome qrihe di marhıbonutho’ne. Ba melani mahwele u rişqutno Zelenskyj u ruğzayde mqabıl da hçome haroye dsımla Rusya cali arişkoyto d’Ukraina Kiev u cal 6 fenyotho hrene. Mawdıc d’Rusya mafırla hol 32 robote u 440 tayosyotho dlo pilote.

Bu mhoyano d’Rusya, qtil 15 farsufe u 99 hrene mçarhi. Calathe Zelenskyj sımle qroyto l’Amerika u l’Urifi, dımqadmi la hçomani xıd dıkmiqadım l’sbutho di marhıbonutho. A hayle oyaroye d’Ukraina kımawdıci dmadrelın 26 ma robotani u 402 ma tayosyothani d’Rusya.

Me gabo hreno mawdıc, d’Rusya maslamla 1 245 şlade d’folhe Ukrainoye u hathe i hamle harayto du tedciro da şlade da folhe dan athrawothani’yo dmıttafaqwo acla ba droşe du şlomo dsimiwo b’Turkiya bu şuroyo du yarhano. Mawdıc ba yawme haroyani, madcır 6 alfo şlade; i sagiyoyuthathe folhe la mşale d’Ukraina.

Camgabe da şlade, mınyono d’folhe dkıtne ba haye’ste madcri lu athrathe. Bu taro du ittifaqano, matila Rusya’ste a şlade d’78 folhe. U mede dıkgorış u zuhoro’ste, du şuhlofo da yasire uda şlade da folhe, u mede ihidoyo dımşarır ba droşani du şlomo beyn Kiev u Mosko bi mdito d’Stanbul’yo.