Senator hreno d’Australia mawdele bu Sayfo da 1915

Senator hreno d’Australia mdele i maqırhonutho du snodo di mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye.

 Bi maqırhonutho du snodano dımdele u senator d’Queensland Paul Skar, kmıtlıb di şultonutho federaloyto d’Australia dmıctarfo ba qtolğense dsim cala 3 came Mşihoye.

Bu yarho d’Şbot dı şafıcina, mşakalwo İnisyatif mşawtıfo di Kinutho bu parlamento d’Australia leşan u mdoyo d’maqırhonutho dımtaybo’wa mu Komisyon Athronoyo dan Armınoye b’Australia, mu Huyodo Tibeloyo Othuroyo u fırco d’Australia wu Mawtbo da Yawnoye b’Australia, leşan u athro dmawde ba qtolğense da 3 camani.

Calathe ucdo, u hadomo federaloyo di marcitho d’Queensland d’Australia Paul Scarr, mawdacle u snodayde lu inisyativano u m’akadle di şultonutho federaloyto du athro, klozım dmawdıyo bu qtolğenso dsim calu camaydan, calan Armınoye ucala Yawonoye bi şato dan 1915.

Paul Scarr heş me meqım’ste sanodo li mawdyonutho bu qtolğenso’yo. Bi maqırhonutho dhuwle u senator mırle; Hani eşne yarixe kısonadno u camo d’Rwanda dkıtyo bi marcitho, bu duxronathe du qtolğenso. Ono kıfohamno i ulsoyutho di mawdyonutho bi şrorutho du makthabzabno. Ulsoyoyo leşan a 3 camani dbritho dmawdıyo bu qtolğenso dsim aclaye.

U inisyativano mde holucdo ebe me 14 senatore u qoyume frişe du athro, dıksundi i mawdyonutho bu Sayfo. 25 bu yarho d’Şbot, a tukose da 3 camani mtayabwolın hfitutho marduthoyto l’100 hadome du parlamento, mşale di wazirutho di baroyutho, falohe da makthbe folitiqoye, akademikoye, u falohe du tbocofroso uğer, leşan dmitalım imdat di mawdyonutho bu qtolğenso dsımwola i mamlaxtho da Cuthmanoye calu camaydan, calan Armınoye u Yawnoye bu zabno du qrobo qamoyo dıbritho.