Sim cadcido bi cuhnutho du ftoho di şuqo catıqto d’Alqoş, Daşto d’Ninwe

ALQOŞ, CIRAQ – Bi methtaybonutho di marcitho di cito Kaldoyto d’Mor Gorgis, mtayıb 9 bu yarhano d’İyor u cadcido tlithoyo di şuqo catıqto d’Alqoş. 

U cadcidano sim u futohayde mu rişono di marcitho d’Alqoş di cito Kaldoyto hasyo Thabet Habib, u mıştawtafle menyono celoyo d’rişone ma citotho mşahılfe du camaydan di daşto d’Ninwe. 

Lu cadcidano mıştawtafle ba mowat d’comure m’Alqoş uma mdinotho u qıryawotho mşahılfe di daşto d’Ninwe, cam menyono celoyo ma n’abne du camaydan dıkhoyın bi golutho, ud’athın b’socurutho l’Alqoş laşan dmıştawtıfi li hfituthathe i marduthoyto. 

Bu cadcidano d’Alqoş fris amne u sıncat caiqte mşahılfe du camaydan, cam muklone marduthoye u lahmo du tanuro.  

Bebzabno mtayıb hfitwotho marduthoye udu folklor du camaydan dhulın gawno d’haye hathe li şuqo catıqto u makthabzabnoyto d’Alqoş.