02/04/2021

Sim maqıblonwotho cam mşale mşahlıfe cali hfitutho d’1 Nison

Ba mowat man abne du camaydan u acmayeste taşdaryotho d’gabe u şutose du camaydan u da came hrene di Gozarto d’Bethnahrin, hadiri athmıl bi hfitutho dımtayıbo leşan Ha Nison bi mdito di Hasake.

Cali hfituthathe dsimo, u ajans da tebe d’Hawarste laqi u mşalo d’GHS bi Hasake Gabriel Şamcun wu Xabur Akad dkıtyo ha ma rabayhaylawotho d’MFS u sim maqıblonutho acmaye cal Ha Nison.

Li hfitutho dsimo athmıl bhdo ma qıryawotho di Hasake, mtayabwo ela tahrazto catırto mlitho zmoro u raqde marduthoye u mamle dsimi me dayfe u mşale da gabe u tukose du camaydan uba mamlani’ste, kle gawonoyith cali ulsoyutho wu terkiwo di demoqratoyutho, di mşaynutho udu terkiwo d’sistem folitiqoyo dlowe qentrunoyo, bnişo dobe u garanti da came frişe du athro kulle.

Li hfituthathe di Şato hathto Bıbloyto dan 6771-d’Akitu, hadırla’ste u ajans da tebe d’Hawar dlaqi Şamcun Gabriel dkıtyo u mşalo d’GHS bi Haske uha ma mcadrone di rişonutho d’MSD. Bu şuroyo Gabriel mcayadle u camaydan bu cedo d’Ha Nison u gawonoyith a came du qlimo kulle. Şamcun kali’ste bu mamlayde, cala gabe folitiqoye du camaydan dımcayadlın hıdode bu yawmano u dhano remzo du huyodo beyn du camaydan’yo dlo fırşono mın renyo folitiqoyo dkıtle.

Gabriel Şamcun kali cali ulsoyutho di hdoyutho beyn du camaydan bu maşıqlano leşan dqodır dtolıb a zedqayde a makthabzabnoye b’Bethnarhin u dımşawşıt i ithuthayde u dımdawım dımcayıd a cedaydayde a umthoye u tawdithoye. Bebzabno Şamcun mahkele cali mıştawtıfonutho da şutose frişe di Mdabronutho yothoyto uda gabe folitqioye du qlimo lu cedano d’Akitu udu medano kıromız calu huyodo dkito beyn da came du garbyo udu madınho d’Suriya.

Bu huthomo du mamlayde Şamcun mawdacle dkıtle sabro, dmitarkıwo i demoqratoyutho wi mşaynutho bu qlimo u gawonoyith b’Suriya kula. Hawar, hawila’ste mamlo cam ha ma rabayhaylawotho du Mawtbo Folhoyo Suryoyo Xabur Akkad, mcayadle u camaydan wa came du qlimo kulle u dımkararle u şudoyo d’MFS dgımdawmi u ağono mqabıl di marhıbonutho u dkolın mqabıl da hayle kaboşe hol dmiharıri an arcotho du garbyo udu madınho d’Suriya kulle.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…