Sim qroyto di şultonutho du Iraq dımcadlo anesoreyda cam Tel Aviv

Bıthır mıd 4 athrawotho Caraboye mawdelın bi ithutho d’İsroyel u dımdelın qyomo du şlomo acma, ucdoste u gabo Sunna du Iraq al Ummah sımle qroyto li şultonutho d’Boğdod dımcadlo a esorayda cam Tel Aviv.

 U rişono du gabo Mithal al Alusi mawdacle l’al Şafaq News, du gabayde kısonıd an athrawotho Caraboye dımdelın qyomo cam İsroyel u dımcadelın a esorathe acma.

 U rişono du gabo Sunna du Iraq al Ummah Mithal al Alusi huwle maqırhonutho l’al Şafaq News u mawdacle, di şultonutho d’Boğdodste klozım dımcadlo a esorayda cami şultonutho d’İsroyel. Al Alusi dıkmidıc dkıtle hzayto folitiqoyto dkıtyo qarıwto lu macırbo athmıl mawdacle, dıksonıd u fusqono dan 4 athrawotho Caraboye dfuthi me hatho i rişizgaduthathe b’İsroyel u dımcadli a esorathe cami şultonutho d’ Tel Aviv.

U rişono du gabo Sunna mawdacleste, du şwolo beyn İsroyel wa Fleştoye zıttır macmıq me hın athrawotho leşan u yuthronathe u lo leşan a Fleştoye. Al Ausli mırle; Kıtlan hol 700 alfo Yudoye Iraqoye dıkhoyın ucdo b’İsroyel. Qay klozım dcubrina lı qrobo cam İsroyel leşan Ğazza aw leşan a kontowiye di banka dhın ğrobe Fleştoye. Ğalabe rişone folitiqoye du Iraq hawilın ytawyotho cama İsarloye, elo cal dıkzayci mu İran dkıtyo noturo di siyasayde bu Iraq.

Me gabo hreno mawdıc d’4 mşale rişoye d’Dacış qtili ma hayle di mşaynutho du Iraq bu zabno da cuqobe dsimi b’Salahaddin. U qatlo da marhıbonani athi lu huwoyo kımo yawme bıthır mıd Amerika makadla dgımanqıso u mınyono da folhayda bu Iraq ma 5.200 folhe l’3000 folhe. Bebzabno a hfuxye mqabıl da hjome d’Turkiya bu garbyo du Iraqste kımdawmi.

Mawdıc d’Turkiya mhela naqla hreto ba qıryawotho d’Zaxo u bu zabno da taxtuşe dhawın camu gerilla di PKK, nafıq yuqdone dhuwlın husrono rabo lan arcotho di zaricutho. Ba cuqobani mıstacmela Turkiya a helikopterayda u mhelın 15 soruhe b’5 qıryawotho frişe du qlimo; beynothaye Sorya dı yaqidi an arcothayda. 47 man abne du camaydan d’Sorya; beynothaye u kohno Hanna wu 22 hrene mjarhiwo bu qtolcamo dsımwole u rabhaylawotho Iraqoyo Abdul Karim al Jahayşee, 16 bu yarho d’İlül dan 1969.