Sim qroyto la hayle Kurdoye laşan dlowe qrobo gawoyo beynotheye

U Huyodo Athronoyo da gabe Kurdoye, sımlın qroyto lu camo u la hayle folitiqoye u folhoye du garbyo du Iraq u dilonoyith lu parlamento du qlimo d’Kurdistan.

 Bi qroytathe a gabe Kurdoye dsimo b’Kobani bu garbyo d’Suriya, tlıbbe dkull noşo dsoyım i wolithayde wu dawro dıknofıl acle, leşan dlowe qrobo gawoyo bu qlimo d’Kurdistan.

Bi ithutho da hadomayde-u Huyodo Athronoyo da gabe Kurdoye, qrele Bakır Hajj İssa i maqırhonutho dıfrisolın bu makthbo di sictho da esore baroye du gabo du Huyodo Demoqratoyo-PYD bi mditho d’Kobani bu garbyo d’Suriya.

Bi maqırhonuthathe İssa sımle qroyto la hayle folitiqoye u folhoye, la qoyume du parlamento du qlimo d’Kurdistan du Iraq dsaymi i wolitho athronoyto dıknuflo aclaye, bnişo dmarhıqi ruhaye me qrobo gawoyo bu qlimo. bi maqırhonuthathe İssa mırle; İ Perşmerge haylo athronoyo ulsoyoyo dkıtla timo rabo. Xıd aydarbo kull nuqto du admathe kıtla timoyutho rabtho, hawxa yuqro kıtle u admo du gerillaste.

Bi qroytathe sim qroyto la hayle fulhoye kulle dımnawli idothaye u dımqadmi lu dialog wu rişono du qlimo Neçirvan Barzani, klozım dmıştace dawro athronoyo cal du qrobano gıdobe husrono rabo la yuthrone kulle du camo ba falqe kulle du athro.

Bakır Hajj İssa dkıtyo u mşalo di sictho da esore bi PYD hıthımle u mamlayde u mırle; Mi mditho du delqublo Kobani, ahna kıkolina mqabıl du qrobo dıkxodım belhude la yuthrone d’Turkiya. Ahna kısayminaste qroyto dmitabde dialog beyn da gabe u hayle folitqoye u folhoye du qlimo.