03/05/2021

Sim qroyto li şultonutho Swedeyto dmıctarfo bu Sayfo dan 1915

İ sbutho du qedomo du gabo da Sosyal demoqratoye du Swed lu Sayfo dan 1915, kımdawmo dmaydo duktho bu yawmoyo du tboco froso du athro.

Ucdoste a rişone d’hamşo karxwotho du Swed, tlıblın mi şultonutho du rişwazire Stefan Löfven, dmawdıyo bu qtolğenso dsımwolın a Cuthmanoye calu camayda u Suryoyo-Othuroyo, calan Armınoye u Yawnoye ban 1915.

Folitiqore frişe mu gabo da Sosyaldemoqratoye du Swed mawdaclın, di şultonutho klozım-majburyo, dmawdıyo bu qtolğenso dsımwola i mamlaxtho da Cuthmanoye cala Mşihoye bu zabno du qrobo qamoyo dbritho. Bi egartho dfrisole adyawma u folitiqoro du gabo da Sosyaldemoqratoye di mdito d’Örebro Kenneth Handberg bi dafo d’Expressen mırle; Dlo ma Sosyaldemoqratoye, lıkwe mawdyonutho bu qtolğenso dan 1915. U rişono d’Amerika mawdele, u leşan u Swed’ste, klozım i mawdyonuthathe dhuwyo mede kyonoyo.

İ egarthathe d’Handberg, m’aydo kamiloyith ma rişone d’5 karxwotho du Swed dkıtne a rişonathe mu gabo da Sosyaldemoqratoye. Wa karxwothani’ste; Örebro Botkyrka, Södertelje, Eskilstuna u Norrköping’ne wa rişonathe kımmi; Dlo keşlo, a hawbe dsimiwo ban 1915-qtolğenso’we. U şwolano di mawdyonutho di şultonutho bu Sayfo dsim cala Suryoye Othuroye Kaldoye, Armınoye u Yawonoye athi naqla hreto lu yawmoyo, bıthır mıd u rişono d’Amerika mawdele bu qtolğenso dan Armınoye.

Bi egarthathe a rişone da karxwotho mawdaclın d’ğalabe mu camo kım’ayıd u gabo cal dkıtyo mqabıl di lo kinutho, da dyoşe udu cnufyo u dkubci şlomo u awyutho uda karxwothani’ne dmıdlın bu zyodo galwoye ubı Södertelje kıhoyın a Suryoye Othuroye dkıtne a nubğe da dıbhe du Sayfo u yawmoyith kıloqın ba droşani dcalu qtolğenso-calathe klozım dothe xıd mede kyonoyo lu gabo, dmawde bu Sayfo dan 1915.

U parlamento mawdele wu ucdo klozım i şultonuthoste dımhalqo cayni dawse cal dkıtla wujdan Emwothoyo u dıkyulfo ma fawde du makthabzabno. A rişone da 5 karxwotho kımmi; Mıctarıf bu qtolğenso-lo lbelhude lani dım’athri mu qtolğenso aw lani dıktulbi dmitıctarıf ebe—elo cal dkıtyo u mede triso dkulle.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…