Sim socurutho li qoyumto du Sayfo b’Polhaim b’Almanya

Taşdarto ma Suryoye dkıtne bu gabo di SPD d’Almanya sımlın socurutho li qoyumto du sayfo dkıtyo b’Polhaim laşan dmathkri u duxrono du sayfo dhawi calu cameydan.

İ taşdarto dkıtyo ma abne du cameydan mawdacwolın dkıtwolın tahrazto catırto lu yawmano du Sayfo elo mi celtho du kewo di Corona u ma tabire lı qadiri manıhtila la haye.

Taşdarto mşakalto me Malek Yahkub İsrayel Bethstayfo, Stayfo Turgay Fadi Tuma dkıtne hfite bu gabo di SPD d’Almanya yawme du duxrono du sayfo sımlın socurutho li qoyumto du sayfo dkıtyo b’Polhaim dkıtne hıne falqo ma mcadrone dmitaqimi i qoyumtathe.

Bi socuruthathe dsımlın bu yawmo du duxrono du sayfo abici dmathkri a sohde dhulın i nafşathe debho qimu cameydan.

Bi socurutho mahıtlın kafo da warde lu iqoro du yawmo şatonoyo du Sayfo u sımlın mamle mşahılfe qumi qoyumto du Sayfo.

Aclaymani meqım mawdacwolın dkıtwolın tahrazto catırto laşan du duxrono du Sayfo dıksaymiwole bi şato qamayto dmaqimi i qoyumto. Elo camıhbol ma tadbbire du kewo di Corona maklelın i tahraztathe dkıtwolın.