Sim taşroro calu kewo di Corona bi qastra d’Ankawa bu Iraq

U fırco d’Suroyo TV bu Iraq sımle taşroro cali sbutho du kewo d’Corona bi qastra d’Ankawa bu garbyo du athro.

 Bıthır mu tebo dıfris d’arbco farsufe b’Ankawa tafilın u kewo d’Corona, u furco d’Suroyo TV sımle maqıblonwotho cam hın mşale qlimoye di mditho, dımahkelın cala tadbire mqabıl du kewano.

İ qastra d’Ankawa dıkmidoco qastra du cameydan dkıtyo masırto cam Arbil hıdo ma dukotho dmagle dhın farsufe qayıthlın u kewo di Corona.

A hawroneydan du ferco du Iraq nafiqi laşan dmaydi mawdconutho bıhaq di sbuthathe du kewo di Corona.

Bu mamlo dsımlın hın ma mşale di qastra mawdaclın dkito farsufe dıtafilin u kewo di Corona mawxa ksaymi qrayto lu camo di qastra dhowın moro lruhaye zıttır me meqım u dlınıfqi ma bote dlowelın sniqutho rabtho.

Bi mawdconutho dhule u rişono di mtakasto Suraya di mardutho u du yulfono Newzat Hakim mawdacle da farsufe dıtafilin u kewo latne ma abne du cameydan. Bu taşroro dsımle u froshızwo d’Suroyo bi qastra d’Ankawa kmahwe aydarbo a şuqone xalyene mu camo wa pwelıs ksaymi duyoqo kamilo cala bnaynoşo.