Sım u cufoyo di Salım Iskef b’Örebro
Athmıl 14 bu yarhano, simo i slutho du cufoyo d’Salim İskef bi cito Suryoyto Orthodoksoyto d’Yuldath Aloho b’Örebro du Swed. Salim İskef dkıtwe mu camaydan d’Holob, qtılwo bu hçomo barbroyo dsımwo meqım casro yawme cali madraşto d’Risberjska b’Örebro. U tbocofroso du Swed’ste huwle duktho lu cufoyano u mırle; İ mıştutho, qalibo cufoyo!
ÖREBRO – Bıthır mu hçomo barbroyo dsımwole u Swedoyo Rickard Andersson cali madraşto d’Risbergska b’Örebro 4 bu yarhano, mcafe mınyono ma 10 farsufe dqtiliwo dlo rahme. Athmıl bıthır me falge d’yawmo’ste bi cito Suryoyto Orthodoksoyto d’Yuldath Aloho simo i slutho du cufoyo d’Salim İskef dhawi belhude 28 eşne.
Lu cufoyano hadır mınyono celoyo mu camaydan uğer farsufe dmahwelın u snodathe li iqartho. Bıthır mi slutho du cufoyo dsimo bi rişonutho du kohno di cito Abuna Jacob Kasselia, nqil u fağro du mhasyo Salim la bethqbure d’Längbro u hiw lu cafro.
U mhasyo, bu qayto dothe gıdsamwo i mıştuthayde, zwınwole bayto u sımwole a hedriyat kulle u gıdmadwo i sohduthayde. Elo ba zuzani di mıştutho, huwla i iqarthayde u masraf du cufoyayde wi cito wu camaydan di mdito’ste mnaselın dhowın sanode. Salim İskef, ba 2015 mgalwewole cami emo ucami hothayde me Suriya lu Swed.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
