Sim u dukhrono d’Mor Afrem bi qritho d’Bote b’Turabdin
Bu yawmano d’sim qurobo aloho, u rişmşamşone İsa Garıs mahkele cali olsoyutho da dukhronani u mırle “Adyowma i ruho da sohde du Sayfo thniho dsim dukhrono harke”
BOTE – Ba şoce d’safrayto sim qurobo alohoyo bi rişonutho du dayroyo Doniyel Savcı dkıtyo u rişdayro d’Mor Yahkub d’Salıh bi cito d’Mor Afrem b’Bote d’Turabdin.
U qurobano sım bu dukhrono d’Mor Afrem dkıtyo hdo ma citawotho catiqe dmacımro cal ışme du malfono rabo Mor Afrem Şımşo da Suryoye.
Bu qurobano u alohoyo hadırwo u kohno hındwoyo Yaldo camu rişmşamşone İsa Garıs dımqadamle mamlo cali macne dhawxa dukhrone dmisomi ba citawotho da qıryawotho d’Turabdin.
Bıthır mu qurobo alhoyo mqadım muklo du duxrono d’Mor Afrem dımhadrwo mi iqartho du rişmşamşone İsa wi bathzawgeyde Elişbah Garıs cali ruho da canide dkıtne bi cito d’Mır Afrem.
Bıthır maqım teşmeşto dcanide cali ruhe da sohde du Sayfo wa canide dkıtne bi citathe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
