Sım u duxrono da 78 eşne du huroro di maşritho d’Awşwitz-Birkenau b’Almanya
Athmıl mathkıri a 78 eşne du huroro di maşritho d’Awşwitz-Birkenau b’Almanya ban 1945. Bi maşrithathe, qtiwolın a Naziye d’Almanya hol milyon u mo alfo Yudoye.
Kull şato 27 bu yarho d’Konun u haroyo, kmisım b’britho u duxrono şatonoyo Emwothoyo da 78 eşne du huroro di maşritho d’Auschwitz-Birkenau u kmitathkıri a dıbhe wa mithe dha ma qtolğense barbroye dsimi bu makthabzabno di noşutho. U yawmo du tethkar du duxronano, maqbalwo b’Emwotho Mhaydotho b 2005.
Bi maşrithathe d’Auschwitz-Birkenau dkıtyo Polonia-dbu zabnawo dkıtwa kbışto ma Nazie d’Almanya bu zabno du qrobo trayono dbritho, qtılwo bşıkıl barbroyutho rabtho milyon u mo alfo Yudoye wu nişo da Nazie’ste, u qşoco du camo’we.
Elo gawonoyith bu Holocaustano, qtılwo hol 6 milyone d’Yudoye, Rom, camo d’Polonia, farsufe dkıtwın mciqe u homosexuell. İ maşrithathe mharırowa ma Rusoye 27 konun u haroyo dan 1945. Bi cohnutho du yawmano, sim zawhe frişe b’Almanya, Britania, İtalya, Amerika ubğer athrawotho hrene wu mcal fothe du qrobo d’Ukraina, lo maczım adşato u rişono d’Rusya dhodır bu duxrono dsim b’Almanya.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
