19/05/2022

Sim u duxrono d’Sohdo Matay Rabo b’Turcabdin

19/05/2022

KAFRO / TURCABDIN – A hadome da şutose du Mawtbo Umthoyo d’Bethnahrin camu qoyumo şaryo du cameydan bu parlamento d’Turkiya ucama mothonoye, mathkırlin u Sohdo d’MUB Matay Rabo b’zawho dsim calu qawreyde dkıtyo bi qrithayde d’Kafro i tahtayto b’Turabdin.

Bıthır mi qatinto d’şetqo, u qoyumo şaryo du cameydan bu parlamento d’Turkiya Tuma Çelik sımle mamlo u mwasafle i şaxsiye du Sohdo Matay Rabo dkıtwa kull naqla maqımronitho lu ağuno umthoyo di hirutho du cameydan. Bıthır mu qoyumo u rişono du Federasyon da Hudre d’Suryoye-SUDEF Ewgin Turker mqadamle mamlo calu Sohdo Skandar Alptekin Matay Rabo u hawxa mırle.

U Sohdo Matay Rabo dkıtyo ha mşatsone du Huyodo Suroyo d’Urifi, dımvayacwole hayayde 18 bu yarho d’İyor da 2010. U Sohdo Hawro Matay Rabo, mu zabno di mşatsonutho d’Huyodo Suroyo d’Urifi hulu yawmo haroyo, huwle tacbo rabo ba fulhone uba socurwotho dsımle me athro l’athro bnişo dmıfrıs u ağuno di hirutho du cameydan. Leşan u tlobo da zedqe du cameydan dlo kloyo flıhle u lo kali.