Sim u futoho di betharke di qastra d’Telkepe bi daşto d’Ninwe

 Bıthır mıd kamıl u hethothayda, sim u futoho di betharke gawonoyto di qastra d’Telkepe bi daşto d’Ninwe.

Lu zawhano mıştawtafle mşale folhoye u mdinoye d’Ninwe u mathlone d’tukose Emwothoye wu menyono celoyo ma came mşahılfe di mdito.

Bnişo dmitaqwiyo i şalyutho wi mlahmonutho kenşoyto d’Telkepe  udmicadır u kenşo di daşto d’Ninwe dımşawşıt u yulfonayde, sim zawho du futoho di betharke gawonoyto di qastra d’Telkepe, bi mıştawtfonutho du qaymaqam Basım Bıllo, u rişono da haylawotho d’Ninwe İsmacil Almahallawi, mathlone m’tukose emwothoye u mdinoye u şutose ruşmoye d’Ninwe cam menyono celoyo ma came mşahılfe d’Telkepe dilonoyith mi claymonutho.

İ betharke d’Telkepe dıshifowo mu tukoso marıhbono d’Dacış ba 2014, sim u hethothayda mu tukoso İtaloyo d’UPP. Bıthır mu mamlo dsımle u rabhaylawotho d’Ninwe, u qaymaqam d’Telkepe bu mamlo dsımle mawdacle di betharke dsim u futohayda, gıdmşablo a generasyone u gıdmşawşıto u kenşo u gıdmaqwiyo u yulfonayde ba haqle kulle.

Bıllo mawdacleste di tarmithathe athyo luhwoyo lfuth u qyomo du fhomo dhawiwo bayn di qaymaqamiye d’Telkepe wu tukoso İtaloyo d’UPP, ubi şawtofutho du tukoso emwothoyo d’Maltizer ubu snodo di wazirutho di methcadronutho momunoyto udu quyomo d’Almanya.

Bıthır mathei i mdabronitho di tarmitho d’camıhdode lafu şlomo” Yeska Van Di Kerik mawdacla di tarmithayda kımmathlo hdo ma tarmiyotho dkıtle u tukoso İtaloyo d’UPP’yo dıksonıd i claymutho bu haqlo du sport, di mardutho udu yulfono, u grışla’ste u zuhoro cala tarmiyotho dsımle u tukoso d’UPP ba mdinotho d’Bağdede, d’Barıtle ubi qritho d’Bahzani. Bıthır mathe, mtayıb hfitwotho mşahılfe, baynothaye masrahto dımqadmo ma nacime calu shofo da botayarke dhawi mu tukoso marıhbono d’Dacış, u zmirotho marduthoye dımqadmi mi gudo d’Mşaxt.